აფხაზი ბლოგერი, რომელსაც ბრალი „სახელმწიფოს ღალატისთვის“ წაუყენეს, აცხადებს, რომ საქართველოს მოქალაქეობა მიიღო

ბლოგერმა დაურ ბუავამ, რომელსაც ოკუპირებული აფხაზეთის დე ფაქტო ხელისუფლება სახელმწიფოს ღალატში ადანაშაულებდა, საქართველოს მოქალაქეობა მიიღო, - ინფორმაცია სოციალურ ქსელში ვრცელდება.

ბუავას თქმით, მან საქართველოს მოქალაქეობა გამარტივებული წესით მიიღო და იანვრიდან ეს ფორმა კიდევ უფრო გამარტივდება ოკუპირებული ტერიტორიებზე მცხოვრები ადამიანებისთვის.

„ოფიციალური თბილისი აფხაზ ხალხს თავის თანამოქალაქეებად მიიჩნევს და ეს ეხება სამაჩაბლოსაც. მოქალაქეობის მისაღებად აუცილებელია შეაგროვოთ ვინაობის დამადასტურებელი დოკუმენტების მცირე პაკეტი“, - აცხადებს ბლოგერი.

დაურ ბუავა გასული წლის შემოდგომიდან თბილისში ცხოვრობს. ის ახალგაზრდული მოძრაობა „ამრას“ ერთ-ერთი დამფუძნებელია.

დაურ ბუავას წინააღმდეგ წაყენებულ ბრალდებას საფუძვლად მისი Tiktok-ის ანგარიში დაედო. ოკუპირებული აფხაზეთის ე.წ. სახელმწიფო უსაფრთხოების სამსახურში მიაჩნიათ, რომ მისი ვიდეოები მიმართულია „რესპუბლიკის სუვერენიტეტის, ტერიტორიული მთლიანობის, სახელმწიფო უსაფრთხოებისა და თავდაცვის შესაძლებლობების საზიანოდ“.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა