თავდაცვის მინისტრმა გორში ახალი ყაზარმა გახსნა

საქართველოს თავდაცვის მინისტრმა ჯუანშერ ბურჭულაძემ გორში, აღმოსავლეთის სარდლობის პირველი ქვეითი ბრიგადის ტერიტორიაზე ახლადაშენებული სამსართულიანი ყაზარმა გახსნა.

თავდაცვის სამინისტროს ინფორმაციით, საქართველოს თავდაცვის ძალების სამხედრო ბაზებზე ინფრასტრუქტურული პროექტები დასრულების ფაზაშია.

უწყების ცნობით, სამხედრო მოსამსახურეებისთვის განკუთვნილი თანამედროვე სტანდარტების საცხოვრებელი შენობა მინისტრმა თავდაცვის ძალების მეთაურთან, გენერალ-მაიორ გიორგი მათიაშვილთან ერთად დაათვალიერა.

„უწყების ხელმძღვანელმა პირებმა შესრულებული სამუშაოების შესახებ დეტალური ინფორმაცია მიიღეს. თავდაცვის ძალებში განხორციელებული ინფრასტრუქტურული სამუშაოების ფარგლებში, ყაზარმა ნატოს სტანდარტების შესაბამისად გარემონტდა. შენობა აღიჭურვა კონდიცირება-ვენტილაციის სისტემით და მოეწყო სველი წერტილები, დაიგო ახალი იატაკი, განახლდა ჭერი, კედლები და განათების სისტემები. ახლადაშენებულ ყაზარმაში განთავსდა ახალი ავეჯი და ინვენტარი. ბრიგადაში ტერიტორიის კეთილმოწყობის სამუშაოებიც შესრულდა. საქართველოს თავდაცვის ძალებში ინფრასტრუქტურის სრული განახლება მიმდინარე წლის ბოლომდე დასრულდება“,- ნათქვამია გავრცელებულ ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს