გიორგი კირთაძე - არ მაქვს მოლოდინი, რომ სამართალი აღსრულდება - „ქართული ოცნება“ იტყვის, რომ ბათუმში ადამიანები კვერცხებით დადიან და ვინც არ მოეწონებათ, ესვრიან

„ნაციონალური მოძრაობის“ ბათუმის ორგანიზაციის თავმჯდომარე გიორგი კირთაძის განცხადებით, მასზე განხორციელებული თავდასხმა წინასწარ დაგეგმილი პროვოკაცია იყო.

კირთაძის თქმით, ის გამოკითხვაზე უკვე იმყოფებოდა.

ამასთან, კირთაძის ინფორმაციით, სამართალდამცავებს თავდამსხმელი იდენტიფიცირებული არ ჰყავთ.

როგორც კირთაძემ „პალიტრანიუსის“ გადაცემა „360 გრადუსში“ განაცხადა, მას არ აქვს მოლოდინი, რომ სამართალი აღსრულდება.

„ჩემთვის უცნობი ადამიანი კვერცხებით იყო შეიარაღებული და ცდილობდა დამიზნებით სროლას. ყველასთვის ცხადია, რომ ჯიბეში ჩაწყობილი კვერცხებით ადამიანები არ მოძრაობენ, რა თქმა უნდა, ეს იყო წინასწარ დაგეგმილი პროვოკაცია. მას ვთხოვდი დაესახელებინა ადამიანი, ვის მიერ იყო გამოგზავნილი. ეს რომ წინასწარ იყო ორგანიზებული, ამას ცხადყოფდნენ მისი თანმხლები პირებიც. იყო ერთი გოგო, რომელიც ამ ყველაფერს ტელეფონით იღებდა. ჩვეულებრივი პროვოკაცია იყო, რომელიც ხდება ხოლმე სუს-ის ორგანიზებით. ამ ადამიანს აღნიშნულ შემთხვევამდე არასდროს შევხვედრილვარ. უამრავმა ადამიანმა ნახა ამ ბიჭის ფოტო. ის დიდი ალბათობით, არ არის ბათუმელი.

გამოკითხვაზე ვიყავი. სამართალდამცავები სწრაფად გამოცხადდნენ ადგილზე. როგორც მითხრეს, თავდამსხმელი იდენტიფიცირებული ჯერ არ ჰყავთ, არ ჰყავთ დაჭერილი.

ალბათ დაიჭერენ დროებით, შემდეგ მინიმალური გირაოთი ან საერთოდ გირაოს გარეშეც გაათავისუფლებენ. არ მაქვს მოლოდინი, რომ სამართალი ამ ნაწილში აღსრულდება. დიდი ალბათობით, ან იმ შენობაში, სადაც გამოკითხვას ატარებენ, ან სუს-ის შენობაში დაიგეგმა პროვოკაცია. როდესაც ხელმძღვანელი დაგეგმავს პროვოკაციას, გამომძიებელი, ამას როგორ გამოიძიებს?! - „ქართული ოცნება“ იტყვის რომ ბათუმში ადამიანები კვერცხებით დადიან და ვინც არ მოეწონებათ ესვრიან“, - განაცხადა კირთაძემ.

მისი განმარტებით, თავდასხმა უკავშირდება განსხვავებულ პოლიტიკურ პოზიციებს.

„ეს გააკეთეს პირდაპირ ეთერში ჩართვის დროს, რაც უკავშირდება ჩვენს პოლიტიკურ პოზიციებს. ამით ბიძინა ივანიშვილი ცდილობს ადამიანებს უთხრას, რომ ქვეყანაში კრიტიკული აზრის გამოთქმა დასჯადია, ამ ფორმით მაინც. ალბათ, მას ჰგონია, რომ ამის გამო ვიღაცები გაჩერდებიან და არ ისაუბრებენ დანაშაულებზე, რაც ქვეყანაში ხდება. ძალიან მალე ცუდად დაუბრუნდება ბიძინა ივანიშვილს და მას მოუწევს ხელისუფლებიდან წასვლა“, - აღნიშნა კირთაძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია