„რეფორმების ჯგუფმა“ სასამართლო სისტემაში არსებული ვითარების შესასწავლად დროებითი საგამოძიებო კომისია დაარეგისტრირა

„რეფორმების ჯგუფმა” სასამართლო სისტემაში არსებული ვითარების შესასწავლად პარლამენტში დროებითი საგამოძიებო კომისია დაარეგისტრირა.

“რესპუბლიკური პარტიის” თავმჯდომარე, ხათუნა სამნიძის განცხადებით, საგამოძიებო კომისიის გამოსაკვლევი საკითხებია სასამართლო სისტემაში მოსამართლეთა გავლენიანი ჯგუფის - კლანის არსებობა, მოსამართლეებზე უკანონო ზემოქმედების, კორუფციისა და ნეპოტიზმის სავარაუდო ფაქტები.

“დღეს არსებული მდგომარეობით სასამართლო სისტემის მიმართ უნდობლობა ძალიან მაღალია, სისტემაში არსებული პრობლემები და გამოწვევები იდენტიფიცირებულია არაერთი პოლიტიკური მოძრაობისა თუ ამ საკითხზე მომუშავე არასამთავრობო ორგანიზაციების მიერ.

საქართველოს პარლამენტის დროებითი საგამოძიებო კომისიის ფარგლებში შესაძლებლობა გვექნება კიდევ ერთხელ და სიღრმისეულად გავეცნოთ სისტემაში არსებულ პრობლემებს და ნათლად, თანმიმვდევრულად დავანახოთ საზოგადოებას სასამართლო სისტემაში არსებული პრობლემების ჯაჭვი, ვინაიდან, სწორედ ეს იწვევს სასამართლო ხელისუფლებისადმი საზოგადოების უნდობლობას”, - განაცხადა ხათუნა სამნიძემ.

პარტიის ცნობით, დადგენილების პროექტის შემუშავებაში მონაწილეობა მიიღო დამოუკიდებელო იურისტების ჯგუფმა.

საგამოძიებო კომისიის რეგისტრირებით “რეფორმების ჯგუფი“ ეხმიანება 12 არასამთავრობო ორგანიზაციის ინიციატივას საგამოძიებო კომისიის შექმნასთან დაკავშირებით.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე