ევროკავშირის წევრი 15 ქვეყნისა და აშშ-ის წარმომადგენლებმა საქართველოს იუსტიციის მინისტრ, რატი ბრეგაძესთან შეხვედრა გამართეს.

როგორც შეხვედრის დასრულების შემდეგ საქართველოში გერმანიის ელჩმა განაცხადა, იუსტიციის სამინისტროში რატი ბრეგაძესთან შეხვედრა საქართველოს მესამე პრეზიდენტის მიხეილ სააკაშვილის თაობაზე გაიმართა.

„აქ ვიყავით ევროკავშირის წევრი 15 ქვეყნის და აშშ-ის წარმომადგენლები. იუსტიციის მინისტრს შევხვდით მიხეილ სააკაშვილის საქმესთან დაკავშირებით. განვიხილეთ მიმდინარე პროცედურები და ჯანმრთელობის საკითხი. დეტალებში ვერ შევალ“, - განაცხადა საქართველოში გერმანიის ელჩმა პეტერ ფიშერმა „ფორმულასთან“.