ექთნის, მეგი ბაქრაძის გარდაცვალების საქმეზე ბრალდებული ექიმი - ვაქცინის გაკეთებიდან 30 წუთის შემდეგ გავედი, მშვენივრად იყო - არავის დაურეკავს ჩემთან, მოდი, ცუდად გახდაო

„ახალციხის კლინიკა იმედის“ ექთნის, მეგი ბაქრაძის გარდაცვალების საქმეზე ამავე კლინიკის ბრალდებული ექიმი ვიოლეტა ინასარიძე ბრალს არ აღიარებს.

როგორც მან სასამართლო პროცესზე განაცხადა, კლინიკა მას შემდეგ დატოვა, რაც ვაქცინის გაკეთებიდან 30 წუთი გავიდა.

„30 წუთის შემდეგ გავედი, მშვენივრად იყო, ემზადებოდა რეგისტრატორად გადამზადებაზე და გოგოებთან ერთად საუბრობდა. არავის დაურეკავს ჩემთან, მოდი ცუდად გახდაო, იქ იყო ექიმი. მე პარკინგზე გავდიოდი, სხვა რეანიმატოლოგთან ერთად მივდიოდი კონფერენციაზე. პაციენტი რომ ვნახე, სიწითლე არ ჰქონდა.

თავის პირით მითხრა, აღარაფერი მინდა, კარგად ვარ ვიოლა ექიმოო",- განაცხადა ინასარიძემ.

ცნობისთვის, ვიოლეტა ინასარიძეს ბრალი 28 დეკემბერს წარუდგინეს.

პროკურატურის ინფორმაციით, კოვიდ 19-ის საწინააღმდეგო ვაქცინის გაკეთების შემდეგ, ვიოლეტა ინასარიძემ მეგი ბაქრაძე სიცოცხლისთვის საშიშ მდგომარეობაში იხილა, ის ვალდებული იყო მისთვის შესაბამისი მკურნალობა დაუყოვნებლივ ჩაეტარებინა, თუმცა, არასაპატიო მიზეზით ექთანს სათანადო პირველადი სამედიცინო დახმარება არ გაუწია და კლინიკის ტერიტორია დატოვა.

ექიმს ბრალდება წარდგენილი აქვს საქართველოს სისხლის სამართლის კოდექსის 130-ე მუხლის მეორე ნაწილით (ავადმყოფის განსაცდელში მიტოვება, რამაც მისი სიცოცხლის მოსპობა გამოიწვია), რაც სასჯელის სახედ და ზომად 3-დან 5 წლამდე თავისუფლების აღკვეთას ითვალისწინებს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?