სერგეი შამბა ირაკლი ღარიბაშვილის განცხადებაზე - ეს ხომ არარეალურია, ცარიელი სიტყვებია

ოკუპირებული აფხაზეთის ე.წ. უშიშროების საბჭოს მდივანმა საქართველოს შესთავაზა, რეპარაციის სახით, ოკუპირებული აფხაზეთის განვითარებისთვის დაპირებული 10 მილიარდი დოლარი გადაუხადოს. ამის შესახებ მან რუსულ gazeta.ru-ს განუცხადა.

ამით ის გამოეხმაურა საქართველოს პრემიერ-მინისტრის ირაკლი ღარიბაშვილის განცხადებას იმის შესახებ, რომ ქვეყანა მზად არის განახორციელოს ინვესტიცია აფხაზეთსა და ე.წ. სამხრეთ ოსეთში რესპუბლიკების საქართველოს შემადგენლობაში დაბრუნების შემთხვევაში.

„ეს ხომ არარეალურია. ეს ცარიელი სიტყვებია. რასაც ისინი გვთავაზობენ, შეიძლებოდა ყოფილიყო ომის შემდეგ, როდესაც მიყენებული ზიანისთვის რეპარაციების გადახდა იყო საჭირო - ეს თანხა ზუსტად ჯდება ამ ციფრებში. ეს თანხები მოხმარდებოდა ომის დროს მათ მიერ განადგურებული ინფრასტრუქტურის აღდგენას“ , - განაცხადა შამბამ.

ის ასევე მიიჩნევს, რომ აფხაზურ საზოგადოებასთან შესარიგებლად საქართველომ მტრულ ქმედებებზე უარი უნდა თქვას.

შამბას თქმით, რესპუბლიკების განვითარებაში 10 მილიარდი დოლარის ინვესტიციის ჩადების მზადყოფნის შესახებ ასეთი განცხადებებით, თბილისი მხოლოდ მსოფლიო საზოგადოების სიამოვნებას ცდილობს.

შეგახსენებთ, საქართველოს პრემიერ-მინისტრის ირაკლი ღარიბაშვილის განცხადებით, გაერთიანების შემთხვევაში, შესაძლებელია პირველ სამ წელიწადში, 10 მილიარდის ინვესტიცია განხორციელდეს აფხაზეთსა და სამაჩაბლოში.

„აფხაზეთი შეიძლება გახდეს მეორე მონაკო და სოხუმი - მეორე მონტე-კარლო“, - განაცხადა პრემიერმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს