შალვა ხაჭაპურიძე - ვინც სააკაშვილს იცნობს, იცის, რომ დიდი ალკოჰოლის მიმღები ადამიანი არ ყოფილა - აბსოლუტურად ჯანმრთელი შემოვიდა და დღეს რა მდგომარეობაშია, ყველა ვხედავთ

საქართველოს ყოფილი პრეზიდენტის, მიხეილ სააკაშვილის ადვოკატის, შალვა ხაჭაპურიძის განცხადებით, ექსპერტიზის წინაშე სააკაშვილის ჯანმრთელობის ამჟამინდელ მდგომარეობასთან დაკავშირებით იყო კითხვები დასმული და არა წარსულში არსებულ დაავადებებზე.

ხაჭაპურიძის თქმით, სააკაშვილს სხვადასხვა მძიმე დაავადება აქვს და მათ შორის, განსაკუთრებით აღსანიშნავია დემენცია.

"რაც შეეხება გულყრების ეპიზოდებს, ისინი არ აღიარებენ, მაგრამ 14 იანვარს ვიდეომასალებს გადმოგვცემენ. მათივე ჩანაწერშიც კი "ვივამედში" გადაყვანის ერთ-ერთ მთავარ მიზეზად სწორედ გულყრაა მითითებული.

დღეს დაასახელეს ბავშვობის დიაგნოზი, ასევე უკრაინაში გუბერნატორობის შემდეგი პერიოდი. ყველამ იცის, როცა ექსპერტიზა ტარდება, სტანდარტი მარტივია, დიაგნოზს სვამს და შეფასებას აკეთებს იმ პერიოდისას, რა პერიოდშიც კითხვაა დასმული. ჩვენი კითხვა იყო, მისი ამჟამინდელი მდგომარეობა როგორია. მას სხვადასხვა მძიმე დაავადებები აქვს და მათ შორის, განსაკუთრებით აღსანიშნავია დემენცია. ვინც სააკაშვილს იცნობს, იცის, რომ დიდი ალკოჰოლის მიმღები ადამიანი ის არ ყოფილა. აბსოლუტურად ჯანმრთელი შემოვიდა და დღეს რა მდგომარეობაშია, ყველა ვხედავთ.

შაჰინ ემანუელ ლაჰანი სამედიცინო უნივერსიტეტის სტუდენტი 12 წლის ასაკში გახდა. ეს ადამიანი შეყვანილია ამერიკაში ერთ-ერთ პრესტიჟულ წიგნში, როგორც ყველაზე ახალგაზრდა სტუდენტი, ამერიკის 3 პრეზიდენტის მიერაა დაჯილდოებული, როგორც საუკეთესო ნევროლოგი, კონგრესის მედლითაა დაჯილდოებული. ამას რომ აქაური იურისტი არ დაეთანხმები, რა ვიცი, არ დაეთანხმოს",- განაცხადა ხაჭაპურიძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი