მიხეილ სააკაშვილის სასამართლო პროცესზე, მოსამართლემ თარჯიმნის აცილებასთან დაკავშირებით სპეციალური პენიტენციური სამსახურის წარმომადგენლების შუამდგომლობა არ დააკმაყოფილა

საქართველოს მესამე პრეზიდენტის მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებული სხდომის მოსამართლემ გიორგი არევაძემ თარჯიმნის აცილებასთან დაკავშირებით სპეციალური პენიტენციური სამსახურის წარმომადგენლების შუამდგომლობა არ დააკმაყოფილა.

სპეციალური პენიტენციური სამსახურის წარმომადგენლის ნიკა აბრამიშვილის განცხადებით, წინა სხდომის შემდეგ, თარჯიმან ლევან მეტრეველის მხრიდან ადგილი ჰქონდა მიკერძოებულ განცხადებებს.

აღნიშნულ შუამდგომლობას არ დაეთანხმა დაცვის მხარე. როგორც ადვოკატმა შალვა ხაჭაპურიძემ აღნიშნა, მხარეს არ დაუსახელებია არცერთი დოკუმენტი თარჯიმნის მიერ არასწორი ან მიკერძოებული თარგმნის შესახებ.

„ლევან მეტრეველი სათარჯიმნო ბიუროს წარმომადგენელია. მას გაფორმებული აქვს ხელშეკრულება და უფლება აქვს მიიღოს როგორც თარჯიმანმა მონაწილეობა. გარდა ამისა, მას ამერიკაში აქვს მიღებული სამედიცინო განათლება და სამედიცინო მიმართულებით იცნობს ტერმინოლოგიას. ის მხარეს არ წარმოადგენს. მან როგორც კვალიფიციურმა ექიმმა ერთ-ერთ პრესკონფერენციაში მიიღო მონაწილეობა, ეს იყო და ეს. გარდა ამისა, იგი გაფრთხილებულია, ცრუ და არასწორი თარგმნისას სისხლის სამართლის პასუხისმგებლობის დადგომით“, - განაცხადა შალვა ხაჭაპურიძემ.

შუამდგომლობის განხილვისას გიორგი არევაძემ შუამდგომლობა არ დააკმაყოფილა, თუმცა ლევან მეტრეველს სთხოვა მსგავსი განცხადებებისგან საქმის განხილვის დასრულებამდე თავის შეკავება.

„რამდენადაც ჩემთვის გასაგებია მხარე თარგმნის ხარისხზე არ აკეთებს აპელირებას, დაფიქსირებულ პოზიციებთან დაკავშირებით გამოთქვამს გულისწყრომას. რაც შეეხება საჯარო აქტივობებს, რა თქმა უნდა, ლევან მეტრეველს ამის უფლება აქვს. თარჯიმანს ვფიქრობ ობიექტურობის შენარჩუნება მოეთხოვება. იმიტომ, რომ ის არ არის მხარე და როგორც დაინტერესებულმა პირმა განცხადებები საჯარო სივრცეში სხვის გასაგონად არ უნდა გააკეთოს. დღეის მდგომარეობით, აცილების თაობაზე შუამდგომლობას არ ვაკმაყოფილებ. თუ ლევან მეტრეველს კვლავ სურს გაგვიწიოს დახმარება, ამას პირობა მოჰყვება, განცხადებების კეთებას ვერ აგიკრძალავთ, თუმცა თავი უნდა შეიკავოთ საჯარო სივრცეში საჯარო განცხადებებისგან, მინიმუმ, იმ ეტაპზე, სანამ ამ შუამდგომლობის განხილვა დასრულდება“, - განაცხადა მოსამართლემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024