გასტროენტეროლოგი სტიუარტ ფინკელი - სააკაშვილს კუჭის კიბოს განვითარების მომატებული რისკი აქვს - ის იღებდა მედიკამენტებს, რომლის გვერდით ეფექტებს წარმოადგენს გულისრევა და მადის დაკარგვა
გასტროენტეროლოგ სტიუარტ ფინკელის განცხადებით, საქართველოს მესამე პრეზიდენტს, მიხეილ სააკაშვილს კუჭის კიბოს განვითარების მომატებული რისკი აქვს.
თუმცა, როგორც მან პროცესზე განაცხადა, მას არ აქვს შესაძლებლობა ეს რისკი სრულად შეაფასოს, რადგან არ არის ადეკვატური კვლევები ჩატარებული.
ამასთან, ფინკელის თქმით, მიხეილ სააკაშვილს აძლევდნენ ისეთ მედიკამენტებს, რომელთა გვერდითი ეფექტი მადის კარგვა და პირღებინება იყო.
„ის იღებდა მედიკამენტებს, რომლის გვერდით ეფექტებს წარმოადგენს გულისრევა, პირღებინება და მადის დაკარგვა. მათ იცოდნენ, რომ აძლევდნენ პაციენტს წამლებს, რომელიც იყო წინააღმდეგ ნაჩვენები“, - განაცხადა სტიუარტ ფინკელმა.
კითხვაზე განზრახ აძლევდნენ თუ არა მას ამ წამლებს, გასტროენტეროლოგის თქმით, „კი, ეს იცოდნენ, იმიტომ, რომ ჩატარებული იყო ენდოსკოპიები“.
v-if="article.gallery" v-html="article.gallery"
