მოსამართლე მარიამ ჯიშკარიანს - ქალბატონო მარიამ, არც ჩვენს დასამოძღვრად ხართ აქ მოსული და არც ჭკუის სასწავლებლად, რაზეც კითხვას დაგისვამენ, იმას უპასუხეთ - ნუღარ შემოხვალთ ჩემთან პოლემიკაში

ქალბატონო მარიამ, არც ჩვენს დასამოძღვრად ხართ აქ მოსული და არც ჭკუის სასწავლებლად - ნუღარ შემოხვალთ ჩემთან პოლემიკაში, - ასე მიმართა მოსამართლე გიორგი არევაძემ ცენტრ „ემპათიის“ ხელმძღვანელს, მარიამ ჯიშკარიანს მიხეილ სააკაშვილისთვის სასჯელის გადავადების, ან სასჯელისგან გათავისუფლების შესახებ მიმდინარე სასამართლო პროცესზე.

არევაძემ ჯიშკარიანს შენიშვნა იმ დროს მისცა, როდესაც ის სტამბოლის კონვენციის სტანდარტების შესახებ სააკაშვილის ადვოკატის შალვა ხაჭაპურიძის კითხვას პასუხობდა.

„სხვა პრაქტიკები არ ვიცი, მაგრამ ცენტრი „ემპათიის“ დასკვნები სასამართლო პროცესებზე ბევრჯერ გამოიყენება, პროკურატურის მხარესაც ბევრჯერ გამოვსულვართ და ჩვენი დასკვნები ყოველთვის არის საერთაშორისო სტანდარტებით შედგენილი. სამხარაულის ექსპერტიზასთან ვთანამშრომლობდით და ბევრმა ექსპერტმა გაიარა ჩვენი ტრენინგები. სამხარაულმა ჩვენი რეკომენდაციებით, მრავალი წლის წინ, თავისი პრაქტიკა გააუმჯობესა. ამჯერად, თუ არ დეგრადირდება ისევ საბჭოთა კავშირის დროინდელ დასკვნებამდე, კარგი იქნება. არსებობს საერთაშორისო სტანდარტები, რასაც ქართული კანონმდებლობაა მორგებული. სტამბოლის პროტოკოლში ევროკავშირის ძალიან დიდი თანხები ჩაიდო. ევროსაბჭოს პროექტიდან პენიტენციურ სამსახურის ტრენინგ ცენტრში მოწვეული ტრენერი გახლდით. მათ სავალდებულო ტრენინგებში აქვთ სტამბოლის პროტოკოლი, ამიტომ მათთვის [პენიტენციური სამსახურის წარმომადგენლებისთვის] უცნობი არ უნდა იყოს“,- განაცხადა მარიამ ჯიშკარიანმა.

მოსამართლემ ჯიშკარიანს გააწყვეტინა და უთხრა, რომ სასამართლო პროცესზე ის ტრენერი არაა და მხოლოდ იმ კითხვას უნდა უპასუხოს, რომელსაც დაუსვამენ.

„ქალბატონო მარიამ, არც ჩვენს დასამოძღვრად ხართ აქ მოსული და არც ჭკუის სასწავლებლად. რაზეც კითხვას დაგისვამენ, იმას უპასუხეთ, გასაგებია? აღარ გააგრძელოთ. აქ არ ხართ არც ტრენერი, არც ჩემი ხელმძღვანელი, არც ჭკუის მასწავლებელი. კითხვას დაგისვამენ - უპასუხეთ. გაგიმარტივდებათ უფრო. ნუღარ შემოხვალთ ჩემთან პოლემიკაში, სასამართლოს და მოსამართლის განკარგულებას უნდა დაემორჩილოთ. ჩემთან პოლემიკაში არ შემოხვიდეთ“,- განაცხადა გიორგი არევაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024