შალვა ხაჭაპურიძე - ჯიშკარიანმა დაადასტურა თავისი დასკვნის ავთენტურობა

მესამე პრეზიდენტის მიხეილ სააკაშვილის ადვოკატის, შალვა ხაჭაპურიძის განცხადებით, დღევანდელ სასამართლო პროცესზე ცენტრ „ემპათიის“ ხელმძღვანელმა მარიამ ჯიშკარიანმა მისი ხელმძღვანელობით გაცემული საექსპერტო დასკვნის ავთენტურობა დაადასტურა.

როგორც ხაჭაპურიძემ სასამართლო პროცესის დასრულების შემდეგ ჟურნალისტებს განუცხადა, ჯიშკარიანმა თავისი დიაგნოზების პოზიცია დაიცვა.

„პროცესი ჩვეულებრივ რეჟიმში ჩატარდა. მხარეებს შორის, ამაზე მეტი დაპირისპირებაც გვინახავს. მთავარი არის ის, რომ მარიამ ჯიშკარიანმა დაადასტურა, მისი ხელმძღვანელობით გაცემული საექსპერტო დასკვნის ავთენტურობა. მან ისაუბრა მის, როგორც ფსიქიატრის დიაგნოზებზე, ნევროლოგების დიაგნოზებზე. მთავარია ის, რომ ჯიშკარიანმა დაადასტურა თავისი დასკვნის ავთენტურობა და თავისი დიაგნოზების პოზიცია დაიცვა“, - განაცხადა ხაჭაპურიძემ.

ადვოკატის თქმით, ექსპერტები, რომლებსაც ვრცელი ინფორმაციის მიწოდება შეეძლოთ სასამართლოსთვის, უკვე დაიკითხნენ და შემდგომში, დღის განმავლობაში, შესაძლებელია 3-4 მოწმის დაკითხვა.

„პენიტენციურს იგივე მოწმეები ჰყავს, რაც ჩვენ. დამატებული ჰყავთ პენიტენციური სამსახურის სამი თანამშრომელი. მათი დაკითხვაც დიდ პრობლემას არ წარმოადგენს. არ მგონია, რომ ისინი დიდი ინფორმაციის მატარებლები იყვნენ“, - აღნიშნა შალვა ხაჭაპურიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024