ძმები კაკულიების ადვოკატის განცხადებით, დაზარალებულის სტატუსის მქონე სერგო ქურთიაშვილისა და გიორგი კაჭკაჭაშვილის განრიდება სავარაუდოდ, სამართალდამცავი ორგანოების მხრიდან მოხდა

ძმები კაკულიების ადვოკატის, გიორგი ანთაძის განცხადებით, დაზარალებულის სტატუსის მქონე სერგო ქურთიაშვილისა და გიორგი კაჭკაჭაშვილის განრიდება სავარაუდოდ, სამართალდამცავი ორგანოების მხრიდან მოხდა.

აღნიშნულ პირებს ძმები კაკულიების საქმეზე ჩვენება უნდა მიეცათ, თუმცა, როგორც სასამართლო პროცესზე გაირკვა, მათ საქართველოს სახელმწიფო საზღვარი რამდენიმე დღის წინ გადაკვეთეს.

„ვფიქრობთ, რომ სწორედ სამართალდამცავი ორგანოების მხრიდან მოხდა მათი გარიდება, რათა სიმართლე არ ელაპარაკათ. მათი სიმართლით დამტკიცდებოდა და დარწმუნებული ვარ, დამტკიცდება ის ფაქტი, რომ ძმები კაკულიები სრულიად უდანაშაულოები არიან, მათ არავინ დაუჭრიათ.

საქმეში წარმოდგენილია გამოკითხვის ოქმები, სადაც უთითებენ, რომ ისინი მზად არიან სასამართლოში ჩვენება მისცენ, თუმცა, როცა ჯერი სასამართლოზე მიდგა, აღმოჩნდა, რომ აღნიშნულ პიროვნებებს დაატოვებინეს, თავისი სურვილით დატოვეს ქვეყანა, თუ ა.შ. იმედი გვაქვს, ამას შემდეგ სხდომაზე გავარკვევთ“, - განაცხადა ანთაძემ.

ცნობისთვის, ძმებ კაკულიებს არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობას ედავებიან, რა დროსაც დაშავდა გიორგი კაჭკაჭაშვილიც. ძმებს ასევე, ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენას, შენახვას, ტარებას, ასევე, საზღვრის უკანონო კვეთასაც ედავებიან. აღნიშნული დანაშაული სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.

გამოძიება ასევე ინტენსიურ რეჟიმში გრძელდება ძმებ კაკულიების მიერ სხვა დანაშაულებრივ ფაქტებთან, მათ შორის, ნიკა კვარაცხელიას მკვლელობის საქმესთან შესაძლო შემხებლობასთან დაკავშირებით.

საგამოძიებო უწყების ცნობით, ბრალდებულებმა დანაშაული სომხეთშიც ჩაიდინეს, სწორედ აღნიშნულთან დაკავშირებით, საქართველოს სამართალდამცავი ორგანოები სომხეთის შესაბამის კომპეტენტურ ორგანოებთან აქტიურად თანამშრომლობენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი