დაუზუსტებელი ინფორმაციით, პირი, რომელიც საგარეჯოში, კორპუსის ერთ-ერთ ბინაშია გამაგრებული და აივნიდან გასროლას ახორციელებს, ყოფილი სამხედროა
დაუზუსტებელი ინფორმაციით, პირი, რომელიც საგარეჯოში, კორპუსის, ერთ-ერთ ბინაშია გამაგრებული და აივნიდან გასროლას ახორციელებს, ყოფილი სამხედროა.
ინფორმაცია ადგილზე ვრცელდება. ადგილზე პოლიციის დამატებითი ჯგუფებია მობილიზებული.
შეიარაღებული პირის დაკავების მიზნით სპეცოპერაცია მიმდინარეობს. კორპუსის ტერიტორიაზე გამოძახებულია სასწრაფო დახმარების სამსახურის ბრიგადები.
ასევე, დაუზუსტებელი ცნობით, ამ დროისთვის საუბარია 5 მოკლულ და 5-მდე დაჭრილ პირზე.
"პირველადი ინფორმაციით, საცხოვრებელი კორპუსის ერთ-ერთი ბინის აივნიდან მოქალაქის მხრიდან განხორციელდა რამდენიმე გასროლა, რის შედეგადაც გარდაიცვალა და დაიჭრა კორპუსის ეზოში მყოფი რამდენიმე ადამიანი. ბრალდებულმა პირმა ასევე, ცეცხლი გაუხსნა ადგილზე გამოძახებულ შინაგან საქმეთა სამინისტროს თანამშრომლებს, რომელთაგანაც ერთ-ერთი გარდაიცვალა. ამ წუთებში, შემთხვევის ადგილზე პოლიციის დამატებითი ჯგუფები არიან მობილიზებული და ბრალდებულის დაკავების მიზნით ოპერატიულ-საგამოძიებო ღონისძიებებს ატარებენ. სპეციალური ოპერაციის დეტალების შესახებ და ასევე დაჭრილების და გარდაცვლილების შესახებ, დამატებითი ინფორმაციას მოგვიანებით გავავრცელებთ", - ნათქვამია შსს-ს განცხადებაში.
