ადვოკატ ზვიად კორძაძის ინფორმაციით, სააპელაციო სასამართლომ მამუკა ხაზარაძის, ბადრი ჯაფარიძის და ავთანდილ წერეთლის საქმეზე გადაწყვეტილება შესაძლოა დღეს გამოაცხადოს

ე.წ. ფულის გათეთრების საქმეზე მსჯავრდებულების ადვოკატის ზვიად კორძაძის განცხადებით, თბილისის სააპელაციო სასამართლოში გადაწყვეტილება შესაძლოა დღეს, ბოლო დასკვნით სხდომაზე გამოცხადდეს.

როგორც მან პროცესის დაწყებამდე ჟურნალისტებს განუცხადა, ამ საქმეზე სამართლიანი გადაწყვეტილება გამამართლებელი განაჩენი უნდა იყოს.

„დღევანდელ სასამართლო განხილვაზე დარჩენილია მსჯავრდებულების სიტყვები. სასამართლო ალბათ, დღეს გავა გამოსაცხადებლად, შეუძლია გადაწყვეტილება დღესვე გამოაცხადოს, შეუძლია მისი გამოცხადება გადადოს. სააპელაციო განხილვამ კიდევ ერთხელ დაადასტურა ის, რომ არათუ ფულის გათეთრება, რომელიც პირველი ინსტანციის სასამართლომ უკვე დაადასტურა, არამედ ის ბრალდებაც, რომელიც ვითომდა მამუკა ხაზარაძეს და ბადრი ჯაფარიძეს აქვთ ჩადენილი თაღლითობის სახით, ამ საქმეში არავითარი მტკიცებულება არ არის. ამ საქმეზე სამართლებრივი მოლოდინი მხოლოდ გამამართლებელი განაჩენი უნდა იყოს, მაგრამ განაჩენს დაველოდები", - განაცხადა კორძაძემ.

ცნობისთვის, თბილისის სააპელაციო სასამართლოში მამუკა ხაზარაძის, ბადრი ჯაფარიძის და ავთო წერეთლის საქმის განხილვის ბოლო, დასკვნითი სხდომა გაიმართება. პროცესს დაესწრებიან მამუკა ხაზარაძე, ბადრი ჯაფარიძე და ავთო წერეთელი ადვოკატებთან და მხარდამჭერებთან ერთად.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024