მალხაზ ურთქმელიძე ექსპერტს - თქვენ და ქალბატონი მარიამი ჩემს კაბინეტში ყავას მიირთმევდით და იქ გამიჟღერეთ, თუ დროულად არ შეგვიყვანთ ბატონ მიხეილთან, გავავრცელებთ ჭორს, რომ ნეიროლეფსიური წამება გქონდათო, გახსოვთ ეს?

საქალაქო სასამართლოში ყოფილი პრეზიდენტის, მიხეილ სააკაშვილისთვის სასჯელის გადავადების ან გაუქმების შესახებ მიმდინარე სასამართლო პროცესზე პენიტენციური სამსახურის წარმომადგენელი მალხაზ ურთქმელიძე მოწმის სტატუსით მყოფ ექსპერტს გიორგი ვერულავას სიტყვიერად დაუპირისპირდა.

შელაპარაკება მას შემდეგ დაიწყო, რაც ვერულავამ სააკაშვილისთვის მაჯის საათის წართმევის ინციდენტზე აღნიშნა, რომ ყოფილ პრეზიდენტთან ღამის 12:30-დან 01:00-ის შუალედში შევარდნა შეფასებულია, როგორც არასათანადო მოპყრობა.

სპეციალური პენიტენციური სამსახურის სამედიცინო დეპარტამენტის ხელმძღვანელმა მალხაზ ურთქმელიძემ მოწმეს მოუწოდა „ილაპარაკოს მხოლოდ ის რაც უნახავს პირადად“.

„რაც არ გინახავთ ტყუილად ნუ ლაპარაკობთ, თორემ გაგახსენებთ კიდევ სხვა რაღაცებს, რაც გინახავთ და რაც პირადად ჩემთან თქვენ და ქალბატონმა მარიამმა იკადრეთ. თქვენ და ქალბატონი მარიამი ისხედით ჩემთან კაბინეტში, ყავას მიირთმევდით და იქ გამიჟღერეთ და თქვენი ხითხითიც კარგად მახსოვს, რომ თუ თქვენ დროულად არ შეგვიყვანთ ბატონ მიხეილთან, ახლა ავდგებით და გავავრცელებთ ჭორს, რომ ნეიროლეფსიური წამება გქონდათ აქო, გახსოვთ ეს კარგად? მე ძალიან კარგად მახსოვს. ნეიროლეპტიკებით რომ წამლავდითო, გახსოვთ ეს საუბარი? ხითხითიც ხომ კარგად გახსოვთ?“- განაცხადა მალხაზ ურთქმელიძემ.

ურთქმელიძის კითხვაზე ახსოვდა თუ არა მსგავსი შინაარსის საუბარი, ექსპერტმა გიორგი ვერულავამ აღნიშნა, რომ ახსოვდა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი