სოსო გოგაშვილის შვილი - სასამართლოში მოვდივართ, რომ აქ მაინც მოგვცენ უფლება, მამაჩემი შორიდან დავინახოთ

ჩვენი ერთადერთი მიზანი იმისა, თუ რატომ მოვდივართ სასამართლოში, არის ის, რომ აქ მაინც მოგვცენ უფლება, მამაჩემი შორიდან დავინახოთ, - ამის შესახებ სახელმწიფო უსაფრთხოების სამსახურის უფროსის ყოფილი მოადგილის, სოსო გოგაშვილის შვილმა, ნინი გოგაშვილმა თბილისის საქალაქო სასამართლოში განაცხადა.

მისივე თქმით, ოჯახმა სოსო გოგაშვილის ნახვის მოთხოვნით განცხადება 4-ჯერ დაწერა, თუმცა უშედეგოდ.

„დაახლოებით 20 პროცესია ჩატარებული და აქედან მხოლოდ 3-ჯერ მოგვცეს უფლება, რომ შორიდან დაგვენახა ოთახში მამაჩემი. ჩვენთვის გაურკვეველია, ზოგჯერ რატომ გვაძლევენ უფლებას, ზოგჯერ კი არ გვიშვებენ. ეს ამოუცნობია. ასევე, 4-ჯერ დავწერეთ განცხადება შეხვედრასთან დაკავშირებით და ამაზეც უარს გვეუბნებიან. ამიტომ მოვდივართ იმის მოლოდინით, რომ ოთახში, პროცესის დაწყებამდე რამდენიმე წამით მაინც მოგვცემენ უფლება, რომ ვნახოთ მამაჩემი,“ - განაცხადა ნინი გოგიშვილმა.

ცნობისთვის, თბილისის საქალაქო სასამართლოში სოსო გოგაშვილის საქმის განხილვა მიმდინარეობს. პროცესის დაწყებამდე ადვოკატმა, დიმიტრი ღონღაძემ განაცხადა, რომ დღევანდელ სხდომაზე ბრალდების მხარის მოწმეები დაიკითხებიან, მათ შორის, სუს-ის თანამშრომლები.

შეგახსენებთ იმასაც, სოსო გოგაშვილს ბრალი ედება საქართველოს სისხლის სამართლის კოდექსის 320-ე მუხლის პირველი ნაწილით (სახელმწიფო საიდუმლოების განზრახ გახმაურება) ,157 პრიმა მუხლის პირველი ნაწილით (პირადი ცხოვრების საიდუმლოს უკანონოდ მოპოვება და შენახვა); 333-ე მუხლის პირველი ნაწილით (მოხელის მიერ სამსახურებრივი უფლებამოსილების გადამეტება, რამაც სახელმწიფოს კანონიერი ინტერესის არსებითი დარღვევა გამოიწვია), 157-ე მუხლის მე-4 ნაწილით (პერსონალური მონაცემების უკანონოდ მოპოვება, შენახვა, გავრცელება მასობრივი მაუწყებლობის მეშვეობით, რამაც მნიშვნელოვანი ზიანი გამოიწვია, სამსახურებრივი მდგომარეობის გამოყენებით) და 236-ე მუხლის მე-3 ნაწილით (ცეცხლსასროლი იარაღისა და საბრძოლო მასალის მართლსაწინააღმდეგო შეძენა და შენახვა). წარდგენილი ბრალდებები სასჯელის სახედ და ზომად თავისუფლების აღკვეთას ოთხიდან შვიდ წლამდე ვადით ითვალისწინებს.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს