ადვოკატის განცხადებით, სასამართლოს მიერ მშობლების მკვლელობაში ბრალდებული ყოფილი პოლიციელისთვის უვადო პატიმრობის მისჯა მათთვის მოულოდნელი იყო

ადვოკატი გიორგი ანთაძე აცხადებს, რომ დაცვის მხარისთვის მოულოდნელი იყო თბილისის საქალაქო სასამართლოს გადაწყვეტილება, რომლის მიხედვით, მშობლების მკვლელობაში ბრალდებულ ყოფილ პოლიციელს, გიორგი ბეროზაშვილს უვადო პატიმრობა მიესაჯა. როგორც სასამართლოს პროცესის დასრულების შემდეგ ადვოკატმა ჟურნალისტებს განუცხადა, დაელოდება დასაბუთებულ განაჩენს, რომელსაც სააპელაციო წესით გაასაჩივრებს.

ადვოკატი იმედოვნებს, რომ სასამართლო განაჩენში დაასაბუთებს, თუ რატომ არ გაიზიარა ბრალდებულის პოზიცია, რითაც ის მშობლების მკვლელობას უარყოფდა.

“ჩვენ ვფიქრობთ, დაცვის მხარემ ყველაფერი გააკეთა იმისათვის, რომ მსგავსი განაჩენი არ დამდგარიყო. რაც შეეხება იმას, თუ ვინ მოკლა, როგორ მოკლა, ამის თაობაზე თავად გამოძიება უნდა დაინტერესებულიყო", - განაცხადა გიორგი ანთაძემ.

რაც შეეხება ბრალდებულის მიერ სასამართლო პროცესებზე გაკეთებულ განცხადებებს, რომ პოლიციამ მისი სახლის ჩხრეკისას ფულადი თანხა და ძვირფასეულობა მოიპარა, როგორც ადვოკატი განმარტავს, ამის შესახებ პოზიციას უახლოეს პერიოდში შეათანხმებს მის დაცვის ქვეშ მყოფთან და მიიღებს გადაწყვეტილებას შესაბამის მოქმედებებზე. გიორგი ანთაძის თქმით, საგამოძიებო ორგანოები ამ მიმართულებით საქმეზე არ დაინტერესებულან.

თბილისის საქალაქო სასამართლომ მშობლების მკვლელობაში ბრალდებული ყოფილი პოლიციელი გიორგი ბეროზაშვილი დამნაშავედ ცნო და სასჯელის სახით უვადო პატიმრობა მიესაჯა.

შეგახსენებთ, რომ ვაზისუბანში, ერთ-ერთ საცხოვრებელ კორპუსში 2022 წლის 27 აპრილს, ხანძარი გაჩნდა, რომელსაც წინ მკვლელობა უძღოდა. 30 წლის გიორგი ბეროზაშვილმა მძინარე მშობლები ჯერ მოკლა, შემდეგ კი კვალის დაფარვის მიზნით, სახლს ცეცხლი წაუკიდა. ბეროზაშვილის მშობლების - ზაზა ბეროზაშვილისა და ლალი თავაძის ცხედრებს, რომლებიც ხანძრის შემდეგ იპოვეს, ცეცხლსასროლი იარაღით მიყენებული ჭრილობები აღენიშნებოდათ.

გამოძიების ინფორმაციით, ბრალდებულმა ყაჩაღობის ინსცენირება მოახდინა, შემდეგ კი კვალის დაფარვის მიზნით, სახლს ცეცხლი წაუკიდა და მიიმალა. გიორგი ბეროზაშვილს ბრალდება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით, და 109-ე მუხლის მე-2 ნაწილის „ბ“ და „ვ“ ქვეპუნქტებით და მე-3 ნაწილის „ა“ ქვეპუნქტით წარედგინა, რაც ცეცხლსასროლი იარაღისა და საბრძოლო მასალის უკანონოდ შეძენა- შენახვა-ტარებასა და განზრახ მკვლელობას უმწეო მდგომარეობაში მყოფი ოჯახის ორი წევრის მიმართ გულისხმობს. აღნიშნული ბრალი სასჯელის სახედ და ზომად 16 წლიდან 20 წლამდე ან უვადო თავისუფლების აღკვეთას ითვალისწინებს.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა