თბილისის საქალაქო სასამართლოში მიხეილ სააკაშვილისთვის სასჯელის გადავადების ან სასჯელისგან გათავისუფლებასთან დაკავშირებული სასამართლო პროცესი მიმდინარეობს
თბილისის საქალაქო სასამართლოში მესამე პრეზიდენტის, მიხეილ სააკაშვილისთვის სასჯელის გადავადების, ან სასჯელისგან გათავისუფლების შესახებ სასამართლო პროცესი მიმდინარეობს. როგორც სხდომის დაწყებამდე ადვოკატმა შალვა ხაჭაპურიძემ ჟურნალისტებს განუცხადა, დღევანდელ პროცესზე დაცვის მხარე გამოიკვლევს ნივთიერ მტკიცებულებას, რომელიც აშშ-დან ჩამოვიდა. ასევე გამოიკითხება ერთი მოწმე.
“მეორე მოწმეც გვყავდა და სამწუხაროდ, კორონავირუსის გამო “ვივამედის” ექიმი ვეღარ გამოცხადდება სასამართლო პროცესზე. რაც შეეხება დღევანდელ პროცესზე გამოსაკითხ ექსპერტს, ეს არის ცენტრ “ემპათაიას”ექსპერტი, ნეიროქირურგი, რომელსაც შესწავლილი აქვს “ფორმა ასები”, ინსტრუმენტული კვლევები და დასკვნა აქვს გაცემული”, - აცხადებს შალვა ხაჭაპურიძე.
რაც შეეხება ნივთიერ მტკიცებულებებს, რომელიც დღევანდელ პროცესზე უნდა გამოიკვლიონ, როგორც ადვოკატი განმარტავს, ეს “არის თმა, რომლისგანაც ამოვიდა მძიმე მეტალები”.
ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე განიხილავს.
This is a modal window.
v-if="article.gallery" v-html="article.gallery"
