გელა ნიკოლაიშვილის განცხადებით, სააკაშვილის დაცვის მხარის მიერ წარმოდგენილ ნიმუშებთან დაკავშირებით კითხვები იყო არა იმაზე, აშშ-დან დალუქული ჩამოვიდოდა თუ არა, არამედ აქედან რომ მიიღეს ნიმუშები, დალუქული არ ყოფილა

სპეციალური პენიტენციური დეპარტამენტის ადვოკატს, გელა ნიკოლაიშვილს კითხვები აქვს სასამართლო პროცესზე მიხეილ სააკაშვილის დაცვის მხარის მიერ წარმოდგენილ ნიმუშებთან მიმართებით, კერძოდ კი თმასა და ფრჩხილებზე, რომელიც სააკაშვილის დაცვის მხარის მტკიცებით, ამერიკული ლაბორატორიიდან დალუქულ მდგომარეობაში გამოგზავნეს. როგორც გელა ნიკოლაიშვილმა განმარტა, ეჭვები არის იმ მხრივ, რომ ამერიკულმა ლაბორატორიამ ნიმუშები გახსნილ მდგომარეობაში მიიღო.

აღნიშნულის შესახებ ნიკოლაიშვილმა ჟურნალისტებს თბილისის საქალაქო სასამართლოშო განუცხადა, სადაც მესამე პრეზიდენტის სასჯელის გადავადებია ან გათავისუფლების საქმეზე პროცესი იმართება.

„ნიმუშებთან დაკავშირებით კითხვები იყო არა იმ მხრივ, რომ აშშ-დან დალუქული ჩამოვიდოდა თუ არა, ან მათ დალუქეს თუ არა - კითხვები იყო იმაზე, აქედან რომ მიიღეს ნიმუშები, დალუქული არ ყოფილა. ამ კითხვებზე ჩვენ პასუხი ვერ მივიღეთ. იმათ გამოგზავნეს დალუქულ მდგომარეობაში. როგორც წესი იწერება - „მივიღე დალუქულ მდგომარეობაში”, მაგრამ იქ წერია - „გახსნილი მდგომარეობა“. ანუ არ წერია „მივიღე“, „გახსნა“. ამიტომ არის ეს ეჭვები, რომ მათ გახსნილ მდგომარეობაში მიიღეს. ეჭვები ბუნებრივია, როდესაც დალუქული არ არის, ფრჩხილი, თმა თუ სხვა ნივთი, ბუნებრივია, ეჭვები ჩნდება, ვის ეკუთვნის ესა თუ ის თმა თუ ფრჩხილი“, - აცხადებს გელა ნიკოლაიშვილი.

კითხვაზე, ეჭვობს თუ არა, რომ წარმოდგენილი ნივთმტკიცებულებები არ ეკუთვნის მიხეილ სააკაშვილს, ასე პასუხობს:

„ბუნებრივია, ეს ეჭვი, დალუქულ მდგომარეობაში თუ არ არის, ნებისმიერ შემთხვევაში წარმოიშვება, სააკაშვილი იქნება, თუ ნებისმიერი სხვა“, - აცხადებს გელა ნიკოლაიშვილი და არ გამორიცხავს, რომ ამის დასადგენად ალტერნატიული ექსპერტიზა მოითხოვონ.

„შესაძლებელია, არ ვიცი. სამედიცინო სფეროს დეტალებში უფრო მალხაზ ურთქმელიძეა და შეიძლება მან გადაწყვიტოს, მაგრამ ახლა, მე მგონი მაგის დრო არ არის. უბრალოდ, ჩვენ ისიც გაგვიკვირდა, რომ კიდევ გადაიდო, ჩვენ გვაბრალებენ, რომ თურმე საქმეს ვაჭინურებთ და არ ვიცი, მგონი თქვენც ხედავთ, ვინ აჭიანურებს“, - განუცხადა ჟურნალისტებს გელა ნიკოლაიშვილმა.

გარდა ამისა, მისი თქმით, პენიტენციური დაწესებულების მხრიდან საქმეზე დასაკითხია 7 მოწმე, მათ შორის ძირითადად არიან ექიმები, დასაკითხთა სიაშია შედის „ვივამედის“ დირექტორი ნინო ნადირაძე.

ამ ეტაპზე სამართლოში შესვენებაა გამოცხადებული. სხდომა მოწმის გამოკითხვით განახლდება.

ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე განიხილავს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი