პარლამენტის თავმჯდომარე შალვა პაპუაშვილი საქართველოში აშშ- ის ელჩს კელი დეგნანს შეხვდა. კელი დეგნანთან შეხვედრა დაახლოებით ერთ საათს გაგრძელდა. ელჩმა პარლამენტი უკომენტაროდ დატოვა და რა საკითხები განიხილეს შეხვედრაზე, უცნობია.

ამ დროისთვის შალვა პაპუაშვილი შეხვედრას ევროკავშირის ელჩ პაველ ჰერჩინსკისთან აგრძელებს.

რაც შეეხება ევროკავშირის ელჩს, შეგახსენებთ, რომ ევროკავშირის ელჩი საკანონმდებლო ორგანოში შეხვედრებს წინა კვირაშიც მართავდა. პაველ ჰერჩინსკის შეხვედრები კომიტეტების თავმჯდომარეებთან ჰქონდა და შეხვედრის ძირითადი თემა იყო ევროკავშირის რეკომენდაციები და ცალკეული კომიტეტების საქმიანობა.