თელავის მუნიციპალიტეტის სოფელ ართანასთან ხანძარია. ადგილობრივებმა კვამლი დღის მეორე ნახევარში მთის ფერდობზე შენიშნეს.

ამ დროის ინფორმაციით, ცეცხლი სოფლიდან დაახლოებით 16 კილომეტრში, სავარაუდოდ, ხმელ ბალახს უკიდია.

თელავის მერის წარმომადგენლის, სიმონ მაისურაძის ინფორმაციით, ხანძრის კერა რთულად მიუვალ ადგილშია და სპეციალური ტექნიკით იქ მისვლას, ვერ შეძლებენ.

„რთული რელიეფიდან გამომდინარე ადგილზე მხოლოდ ფეხით მისვლაა შესაძლებელი. ხანძარი საღამოს შევნიშნეთ და სამაშველო სამსახურს ვაცნობეთ. მობილიზებული და ინფორმირებულია ყველა. დილიდან ხანძარსაწინააღმდეგო სამუშაოებში მონაწილეობას მიიღებენ მოხალისეებიც. ცხენებიც გვყავს, რომ ადგილამდე მივიდეთ”, - აცხადებს მაისურაძე.