თენგიზ წულაძე - თავიდან, როცა მიხეილ სააკაშვილმა შიმშილობა დაიწყო, ალბათ, არ ჭამდა - ახლა ვეღარ ჭამს - ანორექსია და კახექსია იწვევს გულისრევას და მადის დაქვეითებას, ეს არ არის პაციენტის მხრიდან მართვადი

თავიდან, როდესაც შიმშილობა დაიწყო, ალბათ, არ ჭამდა. ახლა ვეღარ ჭამს, - ასე უპასუხა სახალხო დამცველის მიერ შექმნილი კონსილიუმის წევრმა, თენგიზ წულაძემ მიხეილ სააკაშვილის სასამართლო პროცესზე დაცვის მხარის კითხვას, მიხეილ სააკაშვილი არ ჭამს თუ ვერ ჭამს.

როგორც წულაძემ აღნიშნა, ანორექსია და კახექსია მადის დაქვეითებას იწვევს და ამ პროცესს პაციენტი ვერ მართავს.

„ანორექსია და კახექსია იწვევს გულისრევას და მადის დაქვეითებას. ეს არ არის პაციენტის მხრიდან მართვადი. ასე ადვილად ვერ მართავს. მკურნალობის თავისი პროტოკოლი აქვს და ალბათ, კოლეგები მკურნალობენ. არ ვიცი, ამ ბოლო დროს, რას აძლევენ“, - განაცხადა თენგიზ წულაძემ.

შეგახსენებთ, რომ თბილისის საქალაქო სასამართლოში საქართველოს მესამე პრეზიდენტის მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლო პროცესი მიმდინარეობს. სხდომას სააკაშვილი კლინიკა "ვივამედიდან" დისტანციურად ჩაერთო.

დღევანდელ სასამართლო პროცესზე დაცვის მხარის მოწმეები იკითხებიან.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს