კახა კალაძე - ვმუშაობდით, რომ ვაგონების შეძენაზე პასუხისმგებელ რუსულ კომპანიასთან ხელშეკრულება გაგვეწყვიტა, თუმცა ვერანაირი რესურსი ვერ გამოინახა, რომ სიტუაციიდან დაჯარიმების გარეშე გამოვსულიყავით ან ფინანსური პრობლემა არ შეგვქმნოდა

დედაქალაქის მერის, კახი კალაძის განცხადებით, იძულებულები გახდნენ, რომ მეტროსადგურებისთვის ვაგონები რუსული კომპანია „მეტროვაგონმაშისგან“ შეეძინათ.

როგორც დედაქალაქის მერი განმარტავს, მას შემდეგ, რაც უკრაინაში ომი დაიწყო, მუშაობდნენ იმისთვის, რომ აღნიშნულ კომპანიასთან ხელშეკრულება გაეწყვიტათ, მაგრამ ვერანაირი რესურსი ვერ გამოინახა, რომ „ჩვენ, ან დაჯარიმების გარეშე გამოვსულიყავით ამ სიტუაციიდან, ან ფინანსური პრობლემა არ შეგვქმნოდა“.

„ჩემთვის ყველაზე მთავარია ჩემი ქვეყანა და ჩვენი ქვეყნის ინტერესები. რაც შეეხება აღნიშნულ ტენდერს, ეს ტენდერი 2020, თუ 2021 წელს გამოცხადდა და 2021 წლის ნოემბერში გვყავდა აღნიშნული კომპანია გამარჯვებული, ამასთან, ტენდერს დედაქალაქის მერია არ ატარებდა, ევროპული საერთაშორისო საფინანსო ორგანიზაცია ატარებდა, კერძოდ, ევროპის რეკონსტრუქციისა და განვითარების ბანკი, მათი წესებით მოხდა კონკრეტული გამარჯვებულის გამოვლენა. ამის შემდეგ დაიწყო ომი უკრაინაში. მთელი ამ ხნის განმავლობაში, ჩვენ EBRD-თან ერთად ვმუშაობდით, თუ როგორ უნდა მოგვეხერხებინა და შეგვეწყვიტა ხელშეკრულება გამარჯვებულ კომპანიასთან {„მეტროვაგონმაშთან}, რომელიც არ არის სანქციების ქვეშ. ვერანაირი რესურსი ვერ გამოინახა, რომ ჩვენ, ან დაჯარიმების გარეშე გამოვსულიყავით ამ სიტუაციიდან, ან ფინანსური პრობლემა არ შეგვქმნოდა. ჩვენ EBRD-თან ერთად ყველანაირი ფინანსური რისკი ავარიდეთ სახელმწიფოს. თუ ისინი დასანქცირდებიან, ჩვენ ყველანაირად დაზღვეულები ვართ, საქართველოს არანაირი ჯარიმა და ხარჯი არ ექნება. ჩვენი სურვილ არ ყოფილა ეს, იძულებულები გავხდით“,- აღნიშნა კალაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს