მიხეილ სააკაშვილის ადვოკატი სასამართლოში იუსტიციის მინისტრის დაკითხვას ითხოვს

საქართველოს მესამე პრეზიდენტის მიხეილ სააკაშვილის ადვოკატი, შალვა ხაჭაპურიძე სასამართლოში მოწმის სახით, იუსტიციის მინისტრის რატი ბრეგაძის დაკითხვას მოითხოვს.

როგორც ადვოკატმა კლინიკა „ვივამედთან“ ჟურნალისტებს განუცხადა, იუსტიციის მინისტრის მოწმის სახით დაკითხვის მოთხოვნა უკავშირდება რატი ბრეგაძის გუშინდელ განცხადებებს.

ადვოკატის თქმით, იუსტიციის მინისტრმა გუშინ უცნაური განცხადებები გააკეთა.

“ვხსნით ყველა მოწმეს. დავკითხავთ მხოლოდ ბატონ ურთმელიძეს და მოვითხოვ იუსტიციის მინისტრის დაკითხვას. უცნაური განცხადებები გააკეთა: ადვოკატები აძალებენო და საზღვარი აქვს ყველაფერს. საიდან აქვს ამ ადამიანს ეს ინფორმაცია. აცხადებს, რომ სააკაშვილი არ ჭამს, ვერ ჭამს კი არა, არ ჭამს. მაშინ, მას აქვს რაღაც ინფორმაცია და მოვიდეს სასამართლოს მოახსენოს ამის შესახებ, მოწმეა ჩვეულებრივი.

მოქმედი კანონმდებლობით, პატიმართან დაკავშირებით პასუხისმგებლობის საკითხები იუსტიციის სამინისტროს და პენიტენციურ სამსახურს ეკისრება.

რა თქმა უნდა, არ მაქვს მოლოდინი, რომ სასამართლო დააკმაყოფილებს, მაგრამ მე უნდა დავაყენო შუამდგომლობა“,- განაცხადა ხაჭაპურიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია