რელიგიის საკითხთა სახელმწიფო სააგენტო საქართველოს შიიტ მუსლიმებს პირველი იმამის - ალის დაბადების დღეს ულოცავს და მათ მშვიდობასა და კეთილდღეობას უსურვებს.

ამის შესახებ რელიგიის საკითხთა სახელმწიფო სააგენტო განცხადებას ავრცელებს.

„დღეს შიიტი მუსლიმები, პირველი იმამის - ალის (ალი იბნ აბუ ტალიბი, მეოთხე მართლმორწმუნე ხალიფა; 601-661 წწ.) დაბადების დღეს აღნიშნავენ. ავტორიტეტული მუსლიმური წყაროების თანახმად, ალი იყო პირველი მამაკაცი, რომელმაც მიიღო ისლამი. იმამ ალი მუსლიმურ სამყაროში დიდი მნიშვნელობის მქონე ისტორიული ფიგურაა, როგორც სულიერად, ისე პოლიტიკურად“, - ნათქვამია სააგენტოს მიერ გავრცელებულ ინფორმაციაში.