თბილისის საქალაქო სასამართლოში საქართველოს ყოფილი პრეზიდენტისთვის, მიხეილ სააკაშვილისთვის სასჯელის გადავადებასთან, ან სასჯელისგან გათავისუფლებასთან დაკავშირებით სასამართლო პროცესი მიმდინარეობს.

დღეს, მას შემდეგ, რაც მხარეები დასკვნით სიტყვას წარმოთქვამენ, შესაძლოა, მოსამართლემ გადაწყვეტილება გამოაცხადოს.

სხდომას ჯანმრთელობის მდგომარეობიდან გამომდინარე მიხეილ სააკაშვილი არ ესწრება, ის პროცესს დისტანციურადაც არ ერთვება.

როგორც სასამართლო პროცესზე მოსამართლე გიორგი არევაძემ განაცხადა, პენიტენციური სამსახურიდან ოქმი, კლინიკა "ვივამედიდან" კი ცნობა იყო წარმოდგენილი, რომლის მიხედვითაც, მიხეილ სააკაშვილს ჯანმრთელობის მდგომარეობიდან გამომდინარე, ტრანსპორტირების ნებართვა არ ეძლეოდა.

ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე დაახლოებით, ორი თვეა, განიხილავს.