მე, პირადად, დარწმუნებული ვარ, რომ მიხეილ სააკაშვილი არც არავის უწამებია, არც არავის მოუწამლავს, არც არავინ კლავს და არც მოკვდება, ეს არის ჩემი რწმენაც და ჩემი სურვილიც, - ამის შესახებ სასამართლო სხდომაზე დასკვნითი სიტყვის წარმოთქმისას სპეციალური პენიტენციური სამსახურის წარმომადგენელმა გელა ნიკოლაიშვილმა აღნიშნა.

მისივე თქმით, მოსამართლეზე ზეწოლა, არასასურველი გადაწყვეტილების გამოტანის შემთხვევაში, ქუჩაში გამოსვლის დაანონსებით ხდება.

„როცა ჩვენ მიხეილ სააკაშვილი სასამართლოზე ჩართვისას ორჯერ ვიხილეთ, ფორმა მართლაც ძალიან მძიმე იყო. მთელი მსოფლიო მოიარა ამ სურათებმა და ალბათ, ამის მიზანიც ეს იყო. მაშინაც და დღესაც გააკეთა განცხადება მან, თუ არ დამიკმაყოფილეს, აბა, გაბრაზდით, მოწოდება იყო.

პოლიტიკური გადაწყვეტილება იქნება თქვენიო, გეუბნებიან. ფაქტობრივად, თქვენ თუ დააკმაყოფილებთ მათ შუამდგომლობას, ამით გეუბნებიან, რომ პოლიტიკურ გადაწყვეტილებას იღებთ, რადგან მთელი მსოფლიო ასე ფიქრობს, საქართველოს ბედი წყდება, ზეწოლა მიმდინარეობს მოსამართლეზეო. მე არ ვიცი, სხვა ზეწოლა რა არის, თუ არა იმის თქმა: „თუ ასე არ გააკეთებთ, ქუჩაში ომი დაიწყება და თქვენ იქნებით პასუხისმგებელი“.

მე, პირადად, დარწმუნებული ვარ, რომ მიხეილ სააკაშვილი არც არავის უწამებია, არც არავის მოუწამლავს, არც არავინ კლავს და არც მოკვდება, ეს არის ჩემი რწმენაც და ჩემი სურვილიც“, - განაცხადა გელა ნიკოლაიშვილმა.