ირაკლი კობახიძე - გამოჩნდა, რომ ის კამპანია, რომელიც მიხეილ სააკაშვილის გათავისუფლებას უკავშირდება, თავიდან ბოლომდე პოლიტიკური მიზნებით არის ნაკარნახევი

გამოჩნდა, რომ ის კამპანია, რომელიც მიხეილ სააკაშვილის გათავისუფლებას უკავშირდება, თავიდან ბოლომდე პოლიტიკური მიზნებით არის ნაკარნახევი - ერთადერთი პოლიტიკური მიზანია გათავისუფლდეს მიხეილ სააკაშვილი, რათა ქვეყანაში არეულობა დაიწყოს, - ამის შესახებ „ქართული ოცნების“ თავმჯდომარემ ირაკლი კობახიძემ განაცხადა.

აღნიშნულით ის, "რუსთავი 2“-ის მიერ გავრცელებულ ინფორმაციას გამოეხმაურა, სადაც ნათქვამია, რომ „აშშ-ის იუსტიციის დეპარტამენტის ვებგვერდზე გავრცელებული ინფორმაციის თანახმად, სააკაშვილის ოჯახმა ლობისტურ კომპანიას 917,177.44 აშშ დოლარი გადაუხადა“.

"კიდევ ერთხელ გამოამჟღავნეს, რომ სააკაშვილი და მისი ოჯახის წევრები მარტო მილიონერები არ არიან. გამოჩნდა ისიც, რომ ის კამპანია, რომელიც მიხეილ სააკაშვილის გათავისუფლებას უკავშირდება, თავიდან ბოლომდე პოლიტიკური მიზნებით არის ნაკარნახევი, აქ სამედიცინო არაფერია. არის ერთადერთი პოლიტიკური მიზანი - გათავისუფლდეს მიხეილ სააკაშვილი, რათა ქვეყანაში არეულობა დაიწყოს, საბოლოო მიზანი კი - მეორე ფრონტია. რა თქმა უნდა, ეს ლობისტური კონტრაქტი ამის კიდევ ერთი გამოხატულებაა", - აღნიშნავს კობახიძე.

ცნობისთვის, "რუსთავი 2“-ის ინფორმაციით, აშშ-ის იუსტიციის დეპარტამენტის ვებგვერდზე გავრცელებული ინფორმაციის თანახმად, სააკაშვილის ოჯახმა ლობისტურ კომპანიას 917,177.44 აშშ დოლარი გადაუხადა. „აშშ-ის იუსტიციის დეპარტამენტის ვებგვერდზე მიხეილ სააკაშვილის მიერ დაქირავებული ლობისტური კომპანიის Akerman LLP-ის საქმიანობის შესახებ ინფორმაცია ვრცელდება, საიდანაც ირკვევა, რომ ლობისტურმა ჯგუფმა სამედიცინო ექსპერტებს დასკვნების სანაცვლოდ სოლიდური თანხა ($284,784 აშშ დოლარი) გადაუხადა.

აშშ-ის იუსტიციის დეპარტამენტის მონაცემების მიხედვით, ამერიკული იურიდიული კომპანია Akerman LLP საქართველოს ყოფილი პრეზიდენტის მიხეილ სააკაშვილის გათავისუფლებას ლობირებს. 3 თებერვლით გავრცელებულ ინფორმაციაში აღნიშნულია, რომ ადვოკატი მასიმო დიანჯელო უკვე 2022 წლის ივლისიდან მუშაობს სააკაშვილის ლობისტად, რაშიც, ჯამში, მისმა კომპანიამ $917,177.44 აშშ დოლარი მიიღო. ლობისტებთან გაფორმებულ სოლიდურ კონტრაქტს მიხეილ სააკაშვილის დედა გიული ალასანია აწერს ხელს“, - ნათქვამია „რუსთავი 2“-ის მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024