ავთანდილ ენუქიძე - ვისაც საქართველოსთან მეგობრობა უნდა, საქართველოს ხალხის მიერ არჩეულ მთავრობასთან იმეგობროს და არასამთავრობოებით ბომბების ჩადებას თავი დაანებოს

ვისაც საქართველოსთან მეგობრობა უნდა, საქართველოს ხალხის მიერ არჩეულ მთავრობასთან იმეგობროს და არასამთავრობოებით აქ ბომბების ჩადებას თავი დაანებოს - კი ბატონო, დახარჯონ ფული და პეპლებსა და ბოტანიკაზე რამდენიც უნდათ ილაპარაკონ, - ეს განცხადება პარლამენტის ვიცე-სპიკერმა ავთანდილ ენუქიძემ, პარლამენტის ბიუროს სხდომაზე გააკეთა.

როგორც ენუქიძემ განაცხადა, მას გამონაკლისი შემთხვევების გარდა, დონორების ფულით საქართველოს სასიკეთოდ გაკეთებული არაფერი უნახავს.

“ის ფული საქართველოს მთავრობას მისცეს, ბომბებს ნუ დებს! ეგ იმისთვისაა, რომ მთავრობა ააყირაოს, თუ მისი მორჩილი არ იქნება - აი ეს არის სიმართლე! ყველა ქვეყანაში ფულს ამისთვის დებენ. მაჩვენეთ სად არის ჩადებული ფული იმ ქვეყნის აყვავებისთვის?

დეკლარაცია შევავსე და 1200 ლარით დამაჯარიმეს იმიტომ, რომ ჩემი ცოლის ერთ-ერთი ანგარიში დამავიწყდა, რომელზეც ფული საერთოდ არ იყო. ეკა გიგაურს 25 მილიონი მისცეს. რომ ეკითხებიან, სად დაიხარჯაო, თქვენ არავინ გეკითხებათო - ეს ფული ჩემს ქვეყანაში იხარჯება და ამაზე მაქვს მე ლაპარაკი. რატომ არ მპასუხობს, სად არის ეს 25 მილიონი?! - განაცხადა ავთანდილ ენუქიძემ.

უმრავლესობაში შემავალი “ხალხის ძალის“ დეპუტატების სახელით პარლამენტში ინიცირებულია კანონპროექტი, რომლის მიხედვით, “უცხოური გავლენის გამჭვირვალობის უზრუნველყოფის მიზნით“ უცხოური გავლენის აგენტების რეესტრი შეიქმნება, სადაც ყველა ის არასამეწარმეო იურიდიული პირი და მედიასაშუალება დარეგისტრირდება, რომელთა შემოსავლების 20%-ზე მეტი “უცხოური ძალების“ მიერ ფინანსდება.

უცხოური გავლენის აგენტად რეგისტრაციის საკითხს საჯარო რეესტრის ეროვნული სააგენტო უზრუნველყოფს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია