ინციდენტების პრევენციისა და მათზე რეაგირების მექანიზმის ფარგლებში რიგით 111-ე შეხვედრა ერგნეთში დღეს გაიმართება
გამყოფ ხაზთან მდებარე სოფელ ერგნეთში, ინციდენტების პრევენციისა და მათზე რეაგირების მექანიზმის ფარგლებში, 2 მარტს რიგით 111-ე შეხვედრა გაიმართება.
წინასწარი ინფორმაციით, საქართველოს ცენტრალური ხელისუფლების წარმომადგენლები საოკუპაციო ხაზთან ბოლო პერიოდში დაფიქსირებულ ინციდენტებს, განხორციელებულ დესტრუქციულ ქმედებებებს და საქართველოს მოქალაქეების უკანონოდ დაკავების ფაქტებს გააპროტესტებენ, ამავდროულდ, უკანონო პატიმრობაში მყოფთა დაუყოვნებლივ გათავისუფლებას მოითხოვენ.
ასევე, არსებული ინფორმაციით, განსახილველი საკითხები შეეხება იმ ჰუმანიტარულ მიმართულებებსაც, რაც მნიშვნელოვანია საოკუპაციო ხაზის ორივე მხარეს მცხოვრები მოსახლეობისთვის.
