მამუკა ხაზარაძე - აუცილებელია, წინააღმდეგობის მოძრაობა შეიქმნას -  საკითხი ასეთია: ან ვიცავთ კონსტიტუციას, ან პირდაპირ რუსეთს ვბარდებით

არ გაქვთ არანაირი შანსი, რომ ჩემს შვილებს, რომლებიც საქართველოს ემსახურებიან, აგენტები დაერქვათ, - ამის შესახებ პარტია „ლელოს“ ლიდერმა მამუკა ხაზარაძემ განაცხადა და ამით „ქართული ოცნების“ იმ დეპუტატებს მიმართა, რომლებიც ე.წ. უცხოური გავლენის აგენტების შესახებ კანონს მხარს უჭერენ.

მამუკა ხაზარაძის თქმით, აუცილებელია, წინააღმდეგობის მოძრაობა შეიქმნას, რომლითაც ქართველი მოქალაქეები ხელისუფლებასა და მთელ მსოფლიოს დაუმტკიცებენ, რომ ევროპულ მომავალს არ დათმობენ.

„მე ვფიქრობ, რომ აუცილებელია, წინააღმდეგობის მოძრაობა შეიქმნას, რომელშიც, პირველ რიგში, რიგითი მოქალაქეები გაერთიანდებიან და თავიანთ კონსტიტუციურ უფლებებს დაიცავენ. საკითხი ასეთია - ან ვიცავთ კონსტიტუციას, ან პირდაპირ რუსეთს ვბარდებით. დღეს ყველაფერი გვერდით უნდა გადავდოთ და ერთიანი ფრონტით, ერთიანი წინააღმდეგობის მოძრაობით ხელისუფლებასა და მთელ მსოფლიოს დავანახოთ, რომ ქართველი ხალხი იმ მონაპოვარს, რომელიც საუკუნეების განმავლობაში ჩვენი წინაპრების ოცნება იყო, არავითარ შემთხვევაში არ დათმობს.

ამ მოძრაობაში „ლელო“ ისე, როგორც სხვა პარტიები და სამოქალაქო მოძრაობები, იქნება ხალხთან ერთად. საკითხი თითოეულ ჩვენგანს ეხება და ნურავინ ეცდება ლიდერის დროშა დაიჭიროს.

მე მყავს ხუთი შვილი და მათგან ერთ-ერთი კინოწარმოებითა და რეჟისურითაა დაკავებული, საქართველოსა და ჩვენს ისტორიაზე იღებს ფილმებს. მისი დაფინანსების 20%-ზე მეტი უცხოურია. ჩემი ხუთივე შვილი თავისუფალ საქართველოშია დაბადებული.

მინდა „ქართულ ოცნებასა“ და მის დეპუტატებს, რომლებიც მხარს უჭერენ კანონს და გვეუბნებიან, რომ მას არავითარი საშიშროება არ სდევს, ძალიან მკაფიო მესიჯი გავუგზავნო - არ გაქვთ არანაირი შანსი, რომ ჩემს შვილს, შვილებს, რომლებიც საქართველოს ემსახურებიან, აგენტები დაერქვათ“, - განაცხადა მამუკა ხაზარაძემ.

ისრაელის ელჩი - ჩვენი სტრატეგიაა, რომ „ჰამასმა“ ვეღარ გააკონტროლოს ღაზას სექტორი, რადგან ეს იმის გამეორებას გამოიწვევს, რაც უკვე გვინახავს - სამწუხაროდ, გაერო თანამშრომლობს „ჰამასთან“, Amnesty International-ი, Human Rights Watch-ი მუშაობს „ჰამასის“ სასარგებლოდ
ემილ ავდალიანი - რეალური შანსი არსებობს, ირანმა და აშშ-მ ე.წ. „შუალედურ ბირთვულ შეთანხმებას“ მიაღწიონ
ქართული პრესის მიმოხილვა 02.06.2025
ახლა თითოეულ „თიფს" შეუძლია მიზნის რეალობად ქცევა — Yandex Go-ში კურიერებს უკვე შეუძლიათ გაგიზიარონ, რისთვის აგროვებენ ფულს
ავერსი გილოცავთ ბავშვთა დაცვის საერთაშორისო დღეს!
ბავშვთა დაცვის მსოფლიო დღესთან დაკავშირებით PSP პატარებს ტრადიციულად განსაკუთრებულ აქტივობებს სთავაზობს