პარლამენტის ადამიანის უფლებათა დაცვის კომიტეტზე სახალხო დამცველის პოსტზე წარდგენილი ლევან იოსელიანის კანდიდატურის განხილვა დაიწყო.
იოსელიანი ომბუდსმენის თანამდებობაზე ასარჩევად პარლამენტს პოლიტიკურმა ჯგუფმა "მოქალაქეები" შესთავაზა და მას საპარლამენტო ოპოზიციის ნაწილი მხარდაჭერას უცხადებს.
სავარაუდოდ, სახალხო დამცველის არჩევის საკითხი მომავალ კვირასვე პლენარულ სხდომაზე გავა.
სახალხო დამცველის არჩევას, რომელიც თანამდებობას ექვსი წლის ვადით დაიკავებს, 90 დეპუტატის მხარდაჭერა სჭირდება.
ინფორმაციისთვის, პარლამენტში ადამიანის უფლებათა დაცვის კომიტეტის სხდომა 14:00 საათზე უნდა დაწყებულიყო, თუმცა კომიტეტის თავმჯდომარემ მიიღო გადაწყვეტილება, რომ სხდომა კონსტიტუციის დარბაზის ნაცვლად, პირველი რესპუბლიკის დარბაზში მას შემდეგ ჩატარებულიყო, რაც იქ იურიდიულ საკითხთა კომიტეტის სხდომა დასრულდებოდა. გადაწყვეტილებას წინ უძღოდა სხდომაზე ხმაური, რა დროსაც ოპოზიციონერი დეპუტატები კომიტეტის სხდომის დღის წესრიგში ცვლილებებს ითხოვდნენ.