შალვა შავგულიძე - არ დაუჭიროთ მხარი ამ რუსულ პროექტს, არავის უნახავს საკუთარი ქვეყნის წინააღმდეგ წასული ადამიანი ბედნიერი ყოფილიყოს

პარლამენტის წევრმა შალვა შავგულიძემ საპარლამენტო უმრავლესობის წევრებს მიმართა და უცხოური გავლენის გამჭვირვალობის საკითხთან დაკავშირებით მომზადებული კანონპროექტების მხარდაჭერისგან თავი შეკავებისკენ მოუწოდა.

როგორც მან განმარტა, ეს ის შემთხვევაა, როდესაც გადაწყვეტილების გამო თითოეული პარლამენტარის პერსონალური პასუხისმგებლობის საკითხი ძალიან მაღალი იქნება.

„გულწრფელად მივმართავ საპარლამენტო უმრავლესობის წევრებს. პატივცემულო კოლეგებო, ეს ის შემთხვევაა, როდესაც გადაწყვეტილების გამო თითოეული პარლამენტარის პერსონალური პასუხისმგებლობის საკითხი ძალიან მაღალი იქნება. ამიტომ მოგმართავთ, არ დაუჭიროთ მხარი ამ რუსულ პროექტს. არავის უნახავს საკუთარი ქვეყნის წინააღმდეგ წასული ადამიანი ბედნიერი ყოფილიყოს“, - განაცხადა შალვა შავგულიძემ.