ხათუნა სამნიძე - ახალგაზრდების გადასაწყვეტია გააგრძელებენ თუ არა პროტესტს, არ ვფიქრობ, რომ პარტიები ამაში უნდა ჩაერიონ - ახლა პოლიტიკოსებმა ყველაფერი უნდა გავაკეთოთ, რომ პროცედურულად მივიყვანოთ ეს პროცესი ბოლომდე

ახალგაზრდების გადასაწყვეტია გააგრძელებენ თუ არა პროტესტს, არ ვფიქრობ, რომ პოლიტიკური პარტიები ამ პროცესში უნდა ჩაერიონ - ახლა პოლიტიკოსებმა ყველაფერი უნდა გავაკეთოთ, რომ პროცედურულად მივიყვანოთ ეს პროცესი ბოლომდე. ამას საპარლამენტო მუშაობა სჭირდება, - ამის შესახებ „რესპუბლიკური პარტიის“ თავმჯდომარე, ხათუნა სამნიძემ „ინტერპრესნიუსთან“ საუბრისას განაცხადა.

აღნიშნულით ის, „ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის გადაწყვეტილებას ეხმაურება, რომ „ყოველგვარი დათქმის გარეშე გაიწვიონ მათ მიერ მხარდაჭერილი კანონპროექტი“.

„ეს პირველ რიგში, საქართველოს მოქალაქეების დამსახურებაა, რომლებიც წინ აღუდგნენ იმას, რომ ამ ქვეყანაში რუსული კანონებით გვეცხოვრა. მადლობა უნდა ვუთხრათ თითოეულ ამ ადამიანს და საერთაშორისო პარტნიორებს, რომლებმაც უკან არ დაიხიეს, რომ ყველა ჯერზე შეეხსენებინათ „ქართული ოცნებისთვის“, რომ ისინი ელოდებიან ჩვენ ქვეყანას ევროპულ ოჯახში, ამას კი ხელს შეუშლიდა ამ კანონპროექტის კანონად ქცევა. სწორია, რომ „ქართულმა ოცნებამ“ ეს დაინახა. მიუხედავად დაგვიანებისა და მოქალაქეებთან დაპირისპირებისა, მიიღო გადაწყვეტილება და გაიწვია კანონპროექტი უკან. ეს არის იმის შედეგი, რომ ადამიანებმა დაიჯერეს - ბრძოლას აქვს აზრი.

აქციები ახალგაზრდების ორგანიზებული იყო, სხვადასხვა ჯგუფების მხრიდან. არ იყო ეს პარტიული. ამიტომ იყო შედეგი, გულწრფელი იყო, თვითორგანიზებული სწორი მოთხოვნით. ახალგაზრდების გადასაწყვეტია გააგრძელებენ თუ არა პროტესტს, არ ვფიქრობ, რომ პოლიტიკური პარტიები ამ პროცესში უნდა ჩაერიონ. გამარჯვებაა ის, რომ კანონპროექტი უკან გაიწვიეს, ახლა პოლიტიკოსებმა ყველაფერი უნდა გავაკეთოთ, რომ პროცედურულად მივიყვანოთ ეს პროცესი ბოლომდე. ამას საპარლამენტო მუშაობა სჭირდება“,- აღნიშნავს სამნიძე.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე