სერგი კაპანაძე - ეს პატარა წარმატება, ბრძოლაში პატარა გამარჯვებაა - „ქართულ ოცნებაში“ ფუნდამენტურად არაფერი არ შეცვლილა, ხვალ სხვა ინსტრუმენტის გამოყენებას აუცილებლად ეცდებიან

ჩემი აზრით, ეს პატარა წარმატება, ბრძოლაში პატარა გამარჯვებაა - მათში [„ქართულ ოცნებაში“] ფუნდამენტურად არაფერი შეცვლილა. ხვალ სხვა ინსტრუმენტის გამოყენებას აუცილებლად ეცდებიან, - ამის შესახებ „პალიტრანიუსის“ გადაცემა „ნიუსრუმში“ ორგანიზაცია „გრასის“ დამფუძნებელმა, სერგი კაპანაძემ ე.წ. აგენტების კანონპროექტთან დაკავშირებით მიმდინარე მოვლენებზე საუბრისას განაცხადა.

მისივე თქმით, ხელისუფლების წარმომადგენლები აღნიშნული კანონპროექტის შინაარსზე უარს არ ამბობენ და მსგავს „მავნებლობებს“ აუცილებლად დაუბრუნდებიან, რათა ანტიევროპული ნაბიჯები გააგრძელონ.

„არაფერი ფუნდამენტური მათში არ შეცვლილა. ეს არ იყო გადაწყვეტილება, რომლითაც მათ თქვეს, რომ „ეს იყო ცუდი, რუსული, არაევროპული კანონი და ამიტომ გავიწვიეთ უკან“. არა. მათ თქვეს, რომ უკან ამ ზეწოლის გამო გაიწვიეს და ახლა ხალხს უნდა აუხსნან, რომ ევროპული კანონი იყო. ანუ, კანონპროექტის შინაარსზე უარს არ ამბობენ,“ - განაცხადა კაპანაძემ.

მისივე თქმით, იმისთვის, რომ ე.წ. აგენტების შესახებ კანონპროექტის საკითხი დღის წესრიგში კვლავ არ დაუბრუნდეს, პირველ რიგში, საზოგადოების ერთიანობაა საჭირო. კაპანაძის განცხადებით, მოდუნების საშუალება არავის უნდა ჰქონდეს, რადგან ხელისუფლების მოტივაციები არსად წასულა.

„ისეთ რაღაც შეეხნენ, რომელიც ჩვენი უცხოელი პარტნიორებისთვისაც იყო წითელი ხაზი. ასეთი კანონის, ასეთი გადაწყვეტილებების მიღება, მართლა პუტინის თამაშის წესია. მათ ეს კარგად იციან, ამიტომ მოყვა ასეთი რეაქცია. მოდუნების საშუალება არავის არ უნდა ჰქონდეს, იმიტომ რომ მათი მოტივაციები არსად წასულა. ეს მათ უკან არ წაუღიათ. მათ უნდათ ამის გაკეთება ისევ უნდათ. უნდათ, რომ არასამთავრობოები შეზღუდონ, უცხოური დაფინანსება შემცირდეს ან შეწყდეს, დასავლეთის დემონიზება გაგრძელდეს, მედია იყოს გაჩუმებული, უბრალოდ ამ ინსტრუმენტის გამოყენება არ გამოუვიდათ. ხვალ სხვა ინსტრუმენტის გამოყენებას აუცილებლად ეცდებიან”, - აღნიშნა კაპანაძემ.

სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
ქართული პრესის მიმოხილვა 25.05.2023
ვახტანგ ძაბირაძე - ხელისუფლებას რუსეთის მიმართ კაპიტულაცია აქვს გამოცხადებული, ამისთვის შინაგანად მზაობის დასტურია ის განცხადებები, რასაც ხელისუფლებისგან ვისმენთ
PSP გილოცავთ საქართველოს დამოუკიდებლობის დღეს
სამი ამბავი, რის შემდეგაც „ნაცრისფერი“ iPhone-ის ყიდვას გადაიფიქრებთ
კარფურის ახალი კამპანია - „ქართული პროდუქტები“