ყველა გამომსვლელმა, მათ შორის, ისტორიულად ყველაზე ნეიტრალურებმაც, პირდაპირ მიუთითეს, რომ ქართველი ხალხი ყველაფერს აკეთებს, რომ ქვეყანა გახდეს ევროპული ოჯახის წევრი და „ქართული ოცნება" ყველაფერს აკეთებს, ეს ასე არ მოხდეს, - ამის შესახებ ჟურნალისტებთან პარტია „საქართველოსთვის“ წევრმა ბექა ლილუაშვილმა ევროპარლამენტში საქართველოს შესახებ გამართული დებატების შეფასებისას განაცხადა.

როგორც ლილუაშვილი ამბობს, მას გარკვეულწილად შეშურდა მოლდოვის ხელისუფლების, ევროინტეგრაციისთვის იბრძვის.

„ძალიან მკაფიოდ გამოჩნდა იმის მიუხედავად, რომ “ქართულ ოცნებას" ქართველმა ხალხმა უკან დაახევინა, ამ კანონის პირველი მოსმენით მიღებამაც გამოუსწორებელი ზიანი მიაყენა საერთაშორისო რეპუტაციის თვალსაზრისით ქვეყანას. ქვეყნის უკან გადადგმულ ნაბიჯებთან დაკავშირებით, რუსულ ინტერესებთან, პუტინთან და კრემლთან კავშირების შესახებ პოლიტიკური შეფასებები ჟღერდა ევროპარლამენტში და მე ვიყავი ძალიან გულდაწყვეტილი, რადგან საქართველოს შემდეგ მოლდოვის საკითხის განხილვა იყო და მიუხედავად მოლდოვაში არსებული სიტუაციისა, ძალიან კარგად გამოჩნდა როგორ იბრძვის მოლდოვაში ხელისუფლება ევროინტეგრაციისთვის. გულწრფელად რომ გითხრათ გარკვეულწილად შემშურდა მოლდოვის ხელისუფლების”, - განაცხადა ლილუაშვილმა.