„გორგიამ“ სომხეთში სამშენებლო-სარემონტო მასალების გამოფენაში მონაწილეობა მიიღო
„გორგიამ“ სომხეთში ყველაზე დიდ სამშენებლო-სარემონტო მასალების რიგით მეცხრამეტე გამოფენაში - "Caucasus Building & Reconstruction EXPO“ - მიიღო მონაწილეობა.
გამოფენა ოფიციალურად გახსნა სომხეთის ეკონომიკის მინისტრმა - ვაჰან კერობიანმა. მან ასევე მოინახულა „გორგიას“ შვილობილი კომპანიის - „ანთა არმენიას“ სტენდი, გაეცნო კომპანიასა და წარმოდგენილ პროდუქციას.
„გამოფენაზე ჩვენი მონაწილეობის მთავარი მიზანი იყო საერთაშორისო გაფართოება და პარტნიორებთან არსებული ურთიერთობების გაღრმავება. „ანთა არმენიას“ საერთაშორისო ასპარეზზე გამოჩენაც ამის ნათელი მაგალითია და კომპანიის სტრატეგიულ მიზნებს ემსახურება”,- აცხადებენ გორგიაში.
აღსანიშნავია, რომ „ანთა არმენიას “ პროდუქციამ გამოფენის ვიზიტორებში დიდი ინტერესი გამოიწვია და კომპანიის არსებულ სტენდს ასეულობით ვიზიტორი ესტუმრა.
"Caucasus Building & Reconstruction EXPO-ზე“ მონაწილეობას იღებდა 150-მდე კომპანია, 9 სხვადასხვა ქვეყნიდან.
(R)
v-if="article.gallery" v-html="article.gallery"
