მამუკა მდინარაძე -  ერთი წელია ქვეყანას  ბეწვის ხიდზე სიარული უწევს - ხელისუფლება ცდილობს იმ შეტევების მოგერიებას, რომელთა საბოლო მიზანია საქართველო საომარი პლაცდარმი გახდეს - ამის ირგვლივ საუკუნის აფიორა ტრიალებს

ერთი წელია ამ ქვეყანას უწევს ბეწვის ხიდზე სიარული. ხელისუფლება ერთი წელია ცდილობს იმ შეტევების მოგერიებას, რომელთა საბოლო მიზანი არის რაღაცნაირად ეს ქვეყანა საომარი პლაცდარმი გახდეს. ეს არის სიმართლე და ამ სიმართლის ირგვლივ ტრიალებს საუკუნის აფიორა, როდესაც ქართულ საზოგადოებას და ახალგაზრდებს დააჯერეს, რომ კანონი, რომელიც ამ პარლამენტში იყო მიღებული და შემდეგ გაწვეული, არის რუსული“, - ამის შესახებ ფრაქცია „ქართლი ოცნების“ თავმჯდომარემ მამუკა მდინარაძემ პარლამენტის საგაზაფხულო სესიის პლენარულ სხდომაზე განაცხადა.

მისი თქმით, ამ ლოგიკით, ახლა ევროპა და მთელი ცივილიზებული სამყარო ცდილობს ე.წ. რუსული კანონის მიღებას.

„ამ ლოგიკით რუსული კანონი დააინიცირეს EPP-ის წარმომადგენლებმა, რომლის ნაწილიც არის „ნაციონალური მოძრაობა“. ამ ლოგიკით, კანადაში მუშაობს რუსული კანონი, ამ ლოგიკით, ბრიტანეთის თემთა პალატას მიღებული აქვს რუსული კანონი, აშშ-ში რუსული კანონი მუშაობს და მთელი ევროპა და ცივილიზებული სამყაროს მნიშვნელოვანი ნაწილი მოწოდებულია, რომ რაც შეიძლება ჩქარა მიიღოს რუსული კანონი. ამ დონის „ფეიკთან“ გვაქვს საქმე“,- განაცხადა მდინარაძემ.

მისივე შეფასებით, ოპონენტები საკუთარი პროპაგანდით აბულინგებენ ყველას, მათ შორის, პოლიტიკოსების მცირეწლოვან შვილებს.

„როგორ მოახერხეს ჩვენმა ოპონენტებმა, მართლა გასაკვირია, როცა ფაშიზმისა და ბოლშევიზმის სინთეზი გააკეთეს. აბულინგებენ ყველას და ყველაფერს, ოჯახებს, მცირეწლოვან შვილებზეც გადავიდნენ, მასწავლებლის მეშვეობით ბავშვებს, პოლიტიკოსების შვილებს და შემდეგ, წუწუნებენ ბულინგზე, ვიღაც აქტივისტმა რაღაც დამიწერაო. ბულინგს, აგრესიას, ფაშიზმს მოაქვს თავისი რეაქციები, რა თქმა უნდა, ეს არ უნდა იყოს ფაშიზმი და არ უნდა იყოს საპირისპირო ბულინგი, მაგრამ ჩვენ ვნახეთ უპრეცედენტო მასშტაბის ბულინგი, როდესაც ფაშიზმისა და ბოლშევიზმის მეთოდებით ეს ადამიანები სინთეზურად ახორციელებენ. ახალგაზრდების თემის განზოგადება ეს არის ბოროტება.

თქვენი ხელმძღვანელობით საქართველო ევროკავშირში ვერ აღმოჩნდებაო, ეს არის თქვენ მიერვე წეღან გაცხადებული მიზანი, რომ საქართველო არ გახდეს ევროკავშირის წევრი ქვეყანა თუ „ქართული ოცნება“ იქნება ხელისუფლებაში და ამისთვის იბრძვით, ყველაფერს აკეთებთ, როგორც ვიზალიბერალიზაციის დროს და ასოცირების ხელშეკრულების დროს. დღეს რუსეთის განცხადებები მაშველ რგოლად რომ გადმოგივარდებათ ხოლმე, ერთი განცხადება ვერ გაგაკეთებინეთ, რომ ის იყო სამშობლოს ღალატი და დღეს ცდილობთ ამ კომპლექსიდან გამომდინარე სხვას მიაკეროთ რუსული იარლიყი, რაც არასდროს გამოგივათ“, - განაცხადა მდინარაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე