მამუკა მდინარაძე - თუ „ქართული ოცნების“ გავლით ამ ქვეყნის დასჯა ვინმეს შეიძლება უნდოდეს, ეს იქნება ის ადამიანთა ჯგუფი, რომელიც ვერ აიტანს იმას, რომ საქართველოს შესახებ გადაწყვეტილებებს საქართველოში ვიღებთ

თუკი „ქართული ოცნების“ გავლით ამ ქვეყნის დასჯა ვინმეს შეიძლება უნდოდეს, ეს იქნება ის ადამიანთა ჯგუფი, რომელიც ვერ აიტანს იმას, რომ საქართველოს შესახებ გადაწყვეტილებებს საქართველოში ვიღებთ, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ პარლამენტში ჟურნალისტებთან განაცხადა.

მისივე თქმით, თუ ხელისუფლება რადიკალური ოპოზიციის მითითებებს გაითვალისწინებს, ორ-სამ კირაში რუსული ტანკები, შესაძლოა, მართლა იდგნენ თბილისში.

„ჩვენ ერთი წელია ურთულეს გზაზე, ბეწვის ხიდზე დავდივართ და რადიკალური ოპოზიცია და მისი მომხრეები ყველანაირად ცდილობენ ამ ქვეყანას ხელი კრან და სადღაც გადაჩეხონ. რაც არ უნდა რეკომენდაცია იყოს რომელიმე ლობისტის მხრიდან, „ნაციონალური მოძრაობის“ მხრიდან თუ ა.შ. ეს ქვეყანა ომში არ ჩაერთვება. თუკი „ქართული ოცნების“ გავლით ამ ქვეყნის დასჯა ვინმეს შეიძლება უნდოდეს, ეს იქნება ის ადამიანთა ჯგუფი, რომელიც ვერ აიტანს იმას, რომ საქართველოს შესახებ გადაწყვეტილებებს საქართველოში ვიღებთ.

რომ დავყვეთ ვიღაცების ნებას, მითითებებს, რადიკალური ოპოზიციის მითითებებს, ზუსტად ორ-სამ კვირაში, სამწუხაროდ, მიწევს ამის თქმა, რუსული ტანკები შეიძლება მართლა იდგნენ თბილისში. მერე მიხვდებიან ვინ არის ნამდვილი რუსული ხელისუფლება“, - განაცხადა მამუკა მდინარაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს