ირაკლი კობახიძე - მიხეილ სააკაშვილი კონტეინერში ჩასვეს და სიტუაციის ასარევად გამოგვიგზავნეს იმისთვის, რომ საქართველოს უკრაინიზაცია მომხდარიყო

„ქართული ოცნების“ თავმჯდომარის, ირაკლი კობახიძის განცხადებით, საქართველოში მიხეილ სააკაშვილის უკრაინის ხელშეწყობით ჩამოსვლა საქართველოს „უკრაინიზაციას“ ემსახურებოდა.

როგორც ირაკლი კობახიძემ პლენარულ სხდომაზე სიტყვით გამოსვლისას აღნიშნა, საქართველოს „უკრაინიზაციის“ გეგმა ჩავარდა, რაშიც გადამწყვეტი როლი ხელისუფლებამ შეასრულა.

მისივე თქმით, უკრაინის ომში მოხალისეების გაგზავნის მოთხოვნა პირდაპირ ომში ჩართვასა და მეორე ფრონტის გახსნას ნიშნავდა.

„სამწუხაროდ, უკრაინის ხელშეწყობით, მიხეილ სააკაშვილი კონტეინერში ჩასვეს და სიტუაციის ასარევად გამოგვიგზავნეს. ეს იმისთვის, რომ საქართველოს უკრაინიზაცია მომხდარიყო. ეს სიტყვა რადიკალურ ოპოზიციას არ მოეწონა.

საბედნიეროდ, უკრაინიზაციის გეგმა ჩავარდა და ამაში გადამწყვეტი როლი ხელისუფლებამ შეასრულა, რომელიც მოწოდების სიმაღლეზე იდგა და რომელმა, ეს უმძიმესი კრიმინალი დააპატიმრა. 24 თებერვლის შემდეგ, საქართველო ერთადერთი ქვეყანა იყო, სადაც უკრაინაში ომის დაწყების ფონზე ანტისამთავრობო გამოსვლები იმართებოდა. რა მიზანი ჰქონდა ხელისუფლების შეცვლას, ამაზე დასკვნებს საზოგადოება გამოიტანს.

ამის შემდეგ, ზუსტად იგივე რადიკალური ოპოზიცია რუსეთის მიმართ დაწესებულ სანქციებთან მიერთებას ითხოვდა, რაც ესკალაციისკენ გადადგმული გაუაზრებელი ნაბიჯი იქნებოდა. მიზანი, რა თქმა უნდა, მეორე ფრონტი იქნებოდა.

კიდევ უფრო მძიმე მოვლენა იყო, როცა მათ პირდაპირ მოითხოვეს, უკრაინაში მოხალისეები გაგვეგზავნა, რაც სანქციებისგან განსხვავებით, სამხედრო კონფლიქტში საქართველოს პირდაპირ ჩართვას ნიშნავდა“, - განაცხადა ირაკლი კობახიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე