ირაკლი კობახიძე რამდენიმე დეპუტატის მიერ მანდატის დატოვებაზე - იყო ლიბერალურ-ფაშისტური ბულინგი დეპუტატებზე, მათ ოჯახის წევრებზე, ვიღაცას უბრალოდ არ უღირს, ეს იყო ერთადერთი მიზეზი

იყო ლიბერალურ-ფაშისტური ბულინგი დეპუტატებზე, მათ ოჯახის წევრებზე, ვიღაცას უბრალოდ არ უღირს ეს, ეს იყო ერთადერთი მიზეზი, - ამის შესახებ „ქართული ოცნების“ თავმჯდომარე ირაკლი კობახიძემ „ქართული ოცნების” რამდენიმე დეპუტატის მიერ პარლამენტის დატოვების შესახებ საუბრისას განაცხადა.

ირაკლი კობახიძის განცხადებით, დეპუტატების პარლამენტიდან წასვლა და საჯარო სამსახურში გადასვლა არც მათი დასჯაა და არც დაქვეითება.

„ლიბერალურ ფაშისტური ბულინგი, რომელიც წარმოებდა მათსა და მათი ოჯახის წევრებზე, ეს იყო ერთადერთი მიზეზი, ეს არც დაქვეითებაა, არც დასჯაა, ამ ადამიანებს უბრალოდ ადამიანურად არ უღირდათ ამ ფაშისტური ზეწოლის ქვეშ ყოფნა და ამიტომ არჩიეს გუნდში ყოფნა, მაგრამ საჯარო სამსახურში კარიერის გაგრძელება“, - განაცხადა ირაკლი კობახიძემ.

რაც შეეხება პარლამენტში დეპუტატების ჩანაცვლებას, ირაკლი კობახიძის განცხადებით, სავარაუდოდ, პროპორციულ სიაში შემდეგი კანდიდატები შემოვლენ პარლამენტში.

„ვინც გავიდა დღეს პარლამენტიდან, ყველა იყო პროპორციული წესით არჩეული, აქედან გამომდინარე მათი ჩანაცვლება მოხდება სწორედ პროპორციული სიიდან. არსებითად თანმიმდევრობით ხდება ხოლმე ჩანაცვლება, გავარკვევთ ჩვენ ყველას აქვს თუ არა პარლამენტში შემოსვლის სურვილი და ამის მერე იქნება მიღებული გადაწყვეტილებები. სავარაუდოდ, სიაში შემდეგი კანდიდატები შემოვლენ პარლამენტში“, - განაცხადა ირაკლი კობახიძემ.

ინფორმაციისთვის, „ქართული ოცნების“ ხუთ დეპუტატს: ირაკლი კოვზანაძეს, გიორგი ხელაშვილს, ვლადიმერ ჩაჩიბაიას, ნინო იობაშვილსა და გიორგი ამილახვარს პარლამენტის წევრის უფლებამოსილება შეუწყდა.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 17.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს