ლევან ბეჟაშვილი - 2020 წელს განიხილებოდა ნიკა გილაურის საარჩევნო სიაში კანდიდატად ჩართვის საკითხი და მოიხსნა მაშინ, როცა პრემიერის კანდიდატად სააკაშვილი დასახელდა - დაველოდოთ პროცესები როგორ განვითარდება და ყველა მივიღებთ პასუხს

2020 წელს განიხილებოდა ნიკა გილაურის საარჩევნო სიაში კანდიდატად ჩართვის საკითხი, ეს საკითხი მოიხსნა მაშინ, როცა პრემიერის კანდიდატად მიხეილ სააკაშვილი დასახელდა - დაველოდოთ პოლიტიკური პროცესები როგორ განვითარდება და ყველა მივიღებთ პასუხს, - ამის შესახებ ჟურნალისტებთან "ნაციონალური მოძრაობის" წევრმა, ლევან ბეჟაშვილმა განაცხადა, რითაც ნიკა მელიას განცხადებას გამოეხმაურა.

მისი თქმით, გილაური წარმოადგენს საქართველოში ერთ- ერთ ყველაზე მსხვილ ბიზნეს ოჯახს.

„ბუნებრივია, თავის ფინანსური ინტერესები გააჩნია საქართველოს ეკონომიკაშიც და წონაც გააჩნია, ამიტომ მისი საქმეა, რა გადაწყვეტილებას მიიღებს, ჩაერთვება თუ არა პოლიტიკურ საქმიანობაში. მისი სახელი "ნაციონალურ მოძრაობასთან" მიმართებით 2020 წელს გაჟღერებული იქნა, განიხილებოდა მისი საარჩევნო სიაში კანდიდატად ჩართვის საკითხი, ეს საკითხი მოიხსნა მაშინ, როცა პრემიერ- მინისტრის კანდიდატად მიხეილ სააკაშვილის კანდიდატურა დასახელდა, მხოლოდ ამის თქმა შემიძლია, ეს მოცემულობაა, რაც ბოლო წლებში მას "ერთიან ნაციონალურ მოძრაობასთან" ჰქონია,"- განაცხადა ბეჟაშვილმა.

მისივე თქმით, "ნაციონალურ მოძრაობაში" რაიმე დაპირისპირება არ არსებობს და არსებობს განსხვავებული ხედვები. ბეჟაშვილი ამბობს, რომ ვერც ნიკა მელიას განცხადებაში ამოიკითხა რაიმე ბრალდებები.

"ვფიქრობ, ყველა უნდა გამოვიდეთ "ნაციონალური მოძრაობის" შიდა არჩევნების პროცესის ინერციიდან, ბრალდებები კონკრეტული მხარის მიმართ მე ვერ ამოვიკითხე და თუ ვინმე ასე კითხულობს, არის არარელევანტური. თამარ ჩარკვიანის გავრცელებული ინფორმაცია არის მისი ინფორმაცია, მას შეიძლება ჰქონდეს გარკვეული მოტივაცია, ანალიტიკური კვლევა შეიძლება უდევს საფუძვლად, ან კონკრეტული სხვა ინფორმაცია. თუმცა, ჩვენ საკითხზე ინფორმაცია გავიგეთ სოციალური ქსელებიდან, შევატყობთ, პოლიტიკური პროცესები როგორ განვითარდება, მის განცხადებებს ექნება თუ არა საფუძვლები, უახლოეს პერიოდში დავინახავთ, მკითხაობა, ბრალდებები უსაფუძვლოა და ისედაც ნეგატიურ პოლიტიკურ სივრცეს, კიდევ უფრო ნეგატიურად განაწყობს.

მე ასეთი ვარაუდის (მელიას მიერ პარტიის დატოვების) საფუძველს ვერ ვხედავ, ხატიას (დეკანოიძის) შემთხვევაშიც, რამ განაპირობა მისი პარტიიდან წასვლა გაურკვეველი და კითხვის ნიშნების ქვეშ დარჩა. ამიტომ პროცესებზე მკითხაობა რომ არ ვაწარმოოთ, დაველოდოთ ვითარება, პოლიტიკური პროცესები როგორ განვითარდება და ყველა მივიღებთ პასუხს.

„ერთიან ნაციონალურ მოძრაობაში" არანაირი დაპირისპირება არ არსებობს. თუ არის განსხვავებული პოლიტიკური შეხედულებები პარტიულ განვითარებასთან დაკავშირებით, ეს არ ნიშნავს დაპირისპირებას. არჩევნების შედეგად არავის გაუმარჯვია, ეს პროცესი არ იყო გამარჯვებულის და დამარცხებულის, ეს იყო არჩევნები, სადაც პარტიის აქტივმა გააკეთა არჩევანი კონკრეტულ კანდიდატზე და განვითარების მიმართულებაზე. დაპირისპირების თემა უნდა ამოვწუროთ, ნუ აძლევთ ნიკა მელიას პოსტს ასეთ ინტერპრეტაციას, იქ არავინ იგულისხმება, თუ იგულისხმება უნდა დაზუსტდეს. მკითხაობა არ არის სასარგებლო საქმე პოლიტიკისთვის“, - განაცხადა ბეჟაშვილმა.

ცნობისთვის, „ნაციონალური მოძრაობის“ წევრი ნიკა მელია „კაგებეს“ მეთოდით ჭორების გავრცელებას“ უწოდებს დეპუტატ თაკო ჩარკვიანის განცხადებას, რომლის მიხედვითაც, ბიძინა ივანიშვილის მეშვეობით პარტია იქმნება, თავმჯდომარე იქნება ნიკა გილაური, პარტიას კი, ნიკა მელია და ხატია დეკანოიძე შეუერთდებიან.

„თაკო ჩარკვიანს ეთერში უსაუბრია ვითომდაც ჩემს სამომავლო გეგმებზე. ვისაც ის ახმოვანებს უკვე წელიწადზე მეტია, ადვილი გამოსაცნობია.

დღეს თაკო ჩარკვიანი ამბობს, რომ თურმე ბიძინა ივანიშვილის "დავალებით" ნიკა გილაურის თავმჯდომარეობით იქმნება პარტია, რომელსაც მე და ხატია დეკანოიძე ვუერთდებით.

„კაგებეს" მეთოდით ჭორების გამავრცელებლები - მხოლოდ ასე შეიძლება ეწოდოთ ადამიანებს, რომელთაც ასეთი სამარცხვინო ტყუილების ტირაჟირება არ ეთაკილებათ“, - წერს ნიკა მელია სოციალურ ქსელში.

გიორგი ანთაძე - „ქართული ოცნების“ პოზიციები ჯერ კიდევ ძლიერია იმისთვის, რომ მის ტოტალურ მარცხზე ვისაუბროთ
ვაჟა ბერიძე - ახლა საქართველოს გამჭრიახი პოლიტიკური ლიდერი სჭირდება, რომელიც დასავლეთისა და რუსეთის წინააღმდეგობებს საჩვენოდ გამოიყენებს - შეძლებს ასეთი ლიდერის როლის შესრულებას ივანიშვილი? - ვნახოთ
ქართული პრესის მიმოხილვა 12.09.2024
„ვისოლ ჯგუფმა“ „საბვეისთან“ ფრენჩაიზის ექსკლუზიური შეთანხმების პირველივე წლის ბოლოს მე-17 რესტორანი გახსნა
ქარელის მუნიციპალიტეტის სოფელ ძლევიჯვარში ქართულ ჭიდაობაში შოთა ხაბარელის და ნიკოლოზ შერაზადიშვილის სახელობის ტურნირი გაიმართა
გიორგი გახელაძემ მოტოთი ზღვაზე 33 -კმ გაიარა და მსოფლიო რეკორდი დაამყარა
Mastercard-მა, მაღალმთიან აჭარაში, მეწარმე ქალებს უმასპინძლა და მათ ელკომერციის შესაძლებლობები გააცნო
კახა ოქრიაშვილი - ბატონი ივანიშვილი 2012 წლიდან მთელ ერს გვატყუებს და რა გასაკვირია, პეტრიაშვილი და ტალახაძეც მოტყუებით ჩაება სიაში?!
.ge დომენი - 3 წელი 60 ლარად
საქართველოს უნივერსიტეტს ლაბორატორიული მედიცინის სარეზიდენტო პროგრამისთვის აკრედიტაცია მიენიჭა