თბილისში ცნობილი მხატვრის, რუსუდან ფეტვიაშვილის სამხატვრო გალერეა იხსნება

თბილისში, ცნობილი მხატვრის, რუსუდან ფეტვიაშვილის სამხატვრო გალერეა გაიხსნება.

ორგანიზატორების ცნობით, გამოფენა 30 მარტს, 20:00 საათზე გაიხსნება და გალერეის გახსნის ღონისძიებას ტელეწამყვანი ნიკოლოზ წულუკიძე გაუძღვება, მუსიკალურად კი გააფორმებს პიანისტი დინი ვირსალაძე, რომელიც საკუთარ კომპოზიციებს შეასრულებს.

როგორც მხატვარი რუსუდან ფეტვიაშვილი აღნიშნავს, გალერეის პრეზენტაცია სიმბოლურად, მეუღლის, თემურ ბადრიაშვილის დაბადების დღეს დაამთხვია.

რუსუდან ფეტვიაშვილის მუდმივმოქმედ სამხატვრო გალერეაში ნამუშევრები ორ სართულზე იქნება განლაგებული.

გალერეის პირველ სართულზე დამთვალიერებელი იხილავს რუსუდან ფეტვიაშვილის მიერ ბოლო ორი წლის განმავლობაში შესრულებულ ნამუშევრებს და მხატვრის უახლეს ნამუშევარს.

გალერეის მეორე სართულზე კი ძველი ნამუშევრები განთავსდება – ნამუშევრები, რომლებიც მხატვარმა პარიზის სახელოსნოდან საქართველოში ჩამოიტანა.

ექსპოზიციაზე ასევე წარმოდგენილი იქნება რუსუდან ფეტვიაშფილის და მისი ძმის – მოქანდაკე დიმა ფეტვიაშვილის საერთო ნამუშევრები, რომლებიც ხეზეა შესრულებული. ამასთან გამოფენაზე მისული დამთვალიერებელი იხილავს დიმა ფეტვიაშვილის კიდევ რამდენიმე ქანდაკებას.

საგამოფენო სივრცეში განთავსდება „ვილეროი და ბოხის“ რამდენიმე ნიმუშიც.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს