აღმოსავლეთ ევროპის უნივერსიტეტში აშშ საელჩოს საგრანტო პროგრამით დაფინანსებული სახელმძღვანელოს პრეზენტაცია გაიმართა

აღმოსავლეთ ევროპის უნივერსიტეტის ახალ კამპუსში აშშ-ის საელჩოს - წიგნის თარგმნის პროგრამის ფარგლებში ქართულ ენაზე თარგმნილი სახელმძღვანელოს ,,ფინანსების აღრიცხვა“ (მე-5 გამოცემა, ავტ: ჯეფრი უეიბრაიტი და რობერტ კემპი, გამომცემლობა Pearson) პრეზენტაცია გაიმართა.

სახელმძღვანელო აღმოსავლეთ ევროპის უნივერსიტეტისა და საქართველოს უნივერსიტეტის მიერ საქართველოში აშშ-ს საელჩოს საგრანტო პროექტის ფარგლებში ითარგმნა.

აღნიშნული სახელმძღვანელო წარმოადგენს უახლეს თანამედროვე ლიტერატურას და არის რიგით მესამე წიგნი, რომელიც ქართულ ენაზე აშშ საგრანტო პროგრამის ფარგლებში აღმოსავლეთ ევროპის უნივერსიტეტისა და პარტნიორი დაწესებულების თანამონაწილეობით ითარგმნა.

პრეზენტაციას აღმოსავლეთ ევროპის უნივერსიტეტის რექტორი კახაბერ ლაზარაშვილი, აღმოსავლეთ ევროპის უნივერსიტეტის აკადემიური კოლეგიის თავჯდომარე დავით ჩერქეზიშვილი, ეროვნული ბანკის საბჭოს წევრი ნათია თურნავა, აშშ-ის საელჩოს გრანტების მენეჯერი ანა ხარიბეგაშვილი, სახელმძღვანელოს მთარგმნელთა ჯგუფი, განათლების ექსპერტები, მოწვეული სტუმრები და აკადემიური სფეროს წარმომადგენლები ესწრებოდნენ. შეხვედრაზე აღინიშნა სახელმძღვანელოს შესახებ და ქართულ საგანმანათლებლო სივრცეში უახლესი თანამედროვე ლიტერატურის ქართულ ენაზე თარგმნისა და გამოცემების მნიშვნელობაზე მომავლში.

შეხვედრაზე ასევე აღინიშნა, რომ რამდენიმე თვეში აღმოსავლეთ ევროპის უნივერსიტეტის მიერ აშშ საელჩოს წიგნის თარგმანის საგრანტო პროგრამის ფარგლებში დაფინანსებული ქართულ ენაზე თარგმნილი კიდევ ერთი თანამედროვე სახელმძღვანელო გამოიცემა.

(R)

ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა