„ერთად ევროპაში“ - ამ სლოგანით პარლამენტის წინ „ნაციონალური მოძრაობის“ მიერ ორგანიზებული აქცია მიმდინარეობს.

აქცია საქართველოს, უკრაინის და ევროკავშირის ჰიმნებით გაიხსნა.

აქციის მონაწილეების თქმით, ქვეყნის განვითარების გზა სწორედ ევროინტეგრაციაზე გადის, შესაბამისად, დღევანდელი აქციის შინაარსიც სწორედ საქართველოს ევროპისკენ სვლას ეხება.

აქციაზე იმყოფებიან ოპოზიციური პოლიტიკური პარტიების წევრები და საზოგადოების სხვადასხვა სფეროს წარმომადგენლები.

დამონტაჟებულია სცენა, საიდანაც შეკრებილ საზოგადოებას პოლიტიკოსები მიმართავენ.

აქციას რუსთაველის მეტროდან მსვლელობით შემოუერთდებიან პარტიის ახალგაზრდული ფრთის წარმომადგენლები.

აქციის მიმდინარეობის გამო პარლამენტის წინ საავტომობილო გზა გადაკეტილია.