2 მაისს, 11:00 საათზე, სასტუმრო „Pullman Axis Tovers“-ში საქართველოს დაზღვევის დღესთან დაკავშირებით ღონისძიება გაიმართება.

ღონისძიებას გახსნის დაზღვევის სახელმწიფო ზედამხედველობის სამსახურის ხელმძღვანელი დავით ონოფრიშვილი. სტუმრებს მისასალმებელი სიტყვით მიმართავენ: ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, განათლებისა და მეცნიერების მინისტრის მოადგილე თამარ მახარაშვილი, პარლამენტის საფინანსო-საბიუჯეტო კომიტეტის თავმჯდომარე პაატა კვიჟინაძე, პარლამენტის დარგობრივი კომიტეტის თავმჯდომარე დავით სონღულაშვილი, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე, ეროვნული ბანკის ვიცე-პრეზიდენტი პაპუნა ლეჟავა, სსიპ კონკურენციის ეროვნული სააგენტოს თავმჯდომარე ირაკლი ლექვინაძე, სადაზღვევო კომპანიათა ასოციაციის თავმჯდომარე დევი ხეჩინაშვილი და სადაზღვევო კომპანიათა ასოციაციის დაზღვევის მედიაციის ხელმძღვანელი არჩილ ცერცვაძე.

2 მაისს, 11:30 საათზე, მედიაჰოლდინგ „კვირას“ პრესკლუბში „ცხოველთა მონიტორინგის სააგენტოს“ დირექტორი, გიორგი კობიაშვილი პრესკონფერენციას გამართავს.

თემა: „პატრონიანი ცხოველების მხრიდან გამოვლენილი აგრესიის შემთხვევები, ადამიანებსა და ცხოველებზე თავდასხმის ფაქტები და სააგენტოს მიერ შინაური ცხოველების გასეირნების წესის ინტენსიური მონიტორინგის განხორციელება.

სად მიმდინარეობს მონიტორინგი და რა წესები უნდა დაიცვან მეპატრონეებმა ცხოველების გასეირნებისას.

პარლამენტში წარდგენილი საკანონმდებლო ცვლილებები - რეგულაციების მოსალოდნელი გამკაცრება“.

მის: კოსტავას ქ.47/57.

საკონტაქტო: 593 53 45 24

2 მაისს, 11:45 საათზე, თბილისის მერიასთან, „ერთიანი ნაციონალური მოძრაობის“ წევრები აქციას გამართავენ.

თემა: კახი კალაძის განცხადებები

საკონტაქტო: ირაკლი ფავლენიშვილი - 596 12 05 54

მის: ჟიული შარტავას 7 / თბილისის მერია

2 მაისს, 12:00 საათზე, პარლამენტის საგაზაფხულო სესიის პლენარული სხდომა გაიმართება.

პლენარულ სხდომათა დარბაზი

2 მაისს, 14:00 საათზე, თელავის ისტორიულ მუზეუმში პატრიცია დელონის შემოქმედებითი საღამო და პერსონალური გამოფენა „შენს საუფლოში გავბედე მოსვლა“ გაიმართება.

მის: თელავი, ერეკლე მეორეს ქუჩა.

საკონტაქტო: გიორგი ბერიძე - 577 10 08 30

2 მაისს, 15:00 საათზე, „ერთიანი ნაციონალური მოძრაობის“ თბილისის ორგანიზაციის ოფისში, პარტიის წევრის, ვასო ურუშაძის და „ერთიანი ნაციონალური მოძრაობის“ იურისტის ლაშა ტყეშელაძის საგანგებო ბრიფინფი გაიმართება.

თემა: საგანგებო ბრიფინგი ქოლცენტრებზე.

მის: ბროსეს #6

საკონტაქტო: თეა გოჩიტაშვილი 599 880 908

2 მაისს, 16:00 საათზე, თბილისის საქალაქო სასამართლოში კულტურის სამინისტროს მხრიდან სსიპ გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის სამეცნიერო საბჭოს უფლებამოსილებაში ჩარევისა და თამარ ბელაშვილის მიმართ დისკრიმინაციული მოპყრობის საქმეზე მთავარი სხდომა ჩატარდება.