სულხან სიბაშვილი - „ნაციონალური მოძრაობა“ მზად არის, გააკეთოს ყველაფერი, რომ საქართველოში პატარა პროდასავლური პარტიები და სამოქალაქო ჯგუფები გაძლიერდეს
პარლამენტის ფრაქცია „ერთიანი ნაციონალური მოძრაობის“ წევრის, სულხან სიბაშვილის განცხადებით, „ნაციონალური მოძრაობა“ ყველა პატარა პროდასავლური პარტიების გაძლიერებას მხარს დაუჭერს.
ამ განცხადებით სულხან სიბაშვილი საარჩევნო ბარიერის დაწევის საკითხს გამოეხმაურა.
„ნაციონალური მოძრაობა“ მზად არის, მხარი დაუჭიროს და გააკეთოს ყველაფერი, რომ საქართველოში გაძლიერდეს პატარა პროდასავლური პარტიები და სამოქალაქო ჯგუფები, რათა ჩვენ, ყველამ ერთად, ერთობლივი ძალებით შევძლოთ „ქართული ოცნების“ დამარცხება“, - განაცხადა სულხან სიბაშვილმა, რომლის კომენტარსაც „ნაციონალური მოძრაობის“ პრესსამსახური ავრცელებს.
