აფხაზური ოპოზიცია 30 მაისს „სახალხო მიტინგს“ აანონსებს

აფხაზური ოპოზიცია 30 მაისს სოხუმში "სახალხო მიტინგს" აანონსებს.

ოპოზიცია ორი კვირის განმავლობაში ოკუპირებული აფხაზეთის ე.წ. მთავრობის გადადგომას მოითხოვდა, მაგრამ აფხაზეთის დე ფაქტო ლიდერმა ასლან ბჟანიამ მოთხოვნა არ შეასრულა.

„ძვირფასო თანამოქალაქეებო, ჩვენ ამოვწურეთ ყველა შესაძლო დიალოგი დღევანდელ ხელისუფლებასთან და მათი ორიენტაცია ქვეყნის დასახლებაზე, სტრატეგიული აქტივების გაყიდვაზე, ელექტროენერგიის გადაჭარბებული ტარიფის გამო მოსახლეობის გაღატაკებაზე, სახელმწიფოს ცხოვრების ძირითადი სფეროების სრულ განადგურებაზე, სხვა გზა არ გვრჩება, გარდა იმისა, რომ მოგიწოდოთ, გამოვიდეთ ქუჩაში, რათა ვაიძულოთ დღევანდელი ხელისუფლება შეჩერდეს“, - ნათქვამია ოპოზიციური ძალების განცხადებაში, რომელიც მოძრაობა „არუას“ ლიდერმა ხინა დუმაამ წაიკითხა.

ე.წ. „მთავრობის“ გადადგომის გარდა, ოპოზიციამ ასევე მოითხოვა რუსეთთან ბიჭვინთაში ობიექტების გადაცემის შესახებ შეთანხმების გაუქმება; ასევე გაუქმდეს შეთანხმება რუსეთის ფედერაციასთან ეკონომიკურ საქმეებზე გადაწყვეტილებებისა და საარბიტრაჟო გადაწყვეტილებების აღიარებისა და აღსრულების შესახებ; ელექტროენერგიის სოციალურ ტარიფზე დაბრუნება და სხვა.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა