ახალი ზელანდიის დედაქალაქ უელინგტონში, ჰოსტელში გაჩენილი ხანძრის შედეგად სულ მცირე 6 ადამიანი დაიღუპა, - ინფორმაციას CNN-ი ავრცელებს.
”სხვადასხვა ცნობები მაქვს, დადასტურებულია ინფორმაცია 6 გარდაცვლილის შესახებ. როგორც ჩანს, უფრო მეტი იქნება,” - განაცხადა ახალი ზელანდიის პრემიერ-მინისტრმა, კრის ჰიპკინსმა მედიასთან საუბარში.
გავრცელებული ინფორმაციით, ხანძრის შედეგად დაშავებული 5 ადამიანი საავადმყოფოში გადაიყვანეს. რამდენიმე მოქალაქეს ამ დრომდე ეძებენ.
ხელისუფლების წარმომადგენლები აცხადებენ, რომ შემთხვევის დროს ჰოსტელის შენობაში 100-მდე ადამიანი იმყოფებოდა. ხანძრის გამომწვევი მიზეზი ამ დროისთვის უცნობია.
